ASNN – Më 8 shkurt 2024 në Paris, në orën 18:00, Shqipëriado të njohë rivalët për sezonin e ri të Ligës së 2024-2025, i katërti në histori. Kombëtarja shqiptare ndodhet në Ligën B në vazon e 3-të dhe në të njëjtën vazo me kuqezinjtë janë edhe Sllovenia, Irlanda dhe Mali i Zi.
Kundërshtarët e tjerë të Ligës B, që priten të jenë edhe rivalët e mundshëm të Shqipërisë në Ligën e Kombeve janë të ndarë në 3 vazo të tjera me nga 4 skuadra secila, ku në vazon e parë gjenden Austria, Republika Çeke, Anglia dhe Uellsi. Në vazon e dytë janë Finlanda, Ukraina, Islanda dhe Norvegjia.
Ndërsa në vazon e 4-t gjenden ekipe si Gjeorgjia, Greqia, Turqia dhe Kazakistani. Ndeshjet do të zhvillohen sipas sistemit vajtje-ardhje. Gjithçka do të nisë në shtator të këtij viti, ku Shqipëria do të zhvillojë dy sfidat e para, më pas në tetor do të luhen dy ndeshjet e tjera dhe në muajin nëntor do të mbyllet gjithçka me dy sfidat e fundit të grupit.
Liga e Kombeve të Evropës ka ngritur siparin në sezonin 2018-2019. Shqipëria në dy sezonet e para ka garuar në Ligën C dhe pas suksesit të arritur në sezonin 2020-2021 duke u renditur në vendin e parë në Grupin 4 të Ligës C, është ngjitur në Ligën B. Edhe këtë sezon kuqezinjtë ndodhen në Ligën B, teksa synimi është kalimi në Ligën A.
Liga e Kombeve të Evropës
2024-2025
Kalendari i ndeshjeve:
Ndeshja e parë – 5-7 shtator 2024
Ndeshja e dytë – 8-10 shtator 2024
Ndeshja e 3-të – 10-12 tetor 2024
Ndeshja e 4-t – 13-15 tetor 2024
Ndeshja e 5-të – 14-16 nëntor 2024
Ndeshja e 6-të – 17-19 nëntor 2024
