ASNN – Bylis i Roland Nenajt është duke u përgatitur për ndeshjen e parë të fazës së tretë, të cilën të shtunën do ta luajë përballë Luftëtarit në stadiumin “Adush Muça” të Ballshit.
6vfitoret radhazi e jo vetëm kaq, por dhe qenia në pikë të barabarta me Lushnjën e vendit të parë i ka motivuar më tepër ballshiotët për të kërkuar ngjitjen në Superiore.
“Asnjë si ne nuk ka gjashtë fitore radhazi, – kanë bërë thirrje drejtuesit e klubit. – Kështu që stadiumi nuk ka arsye të jetë bosh.”
“Me Bylisin, për Bylisin, të gjithë në stadiumi për të qenë përsëri në Kategorinë Superiore”, – kanë shtuar ballshiotët në thirrjen e tyre për publikun.
