ASNN – Kryetarja e Bashkisë Burrel, Adelina Farrici, pasditen e djeshme është takuar me futbollistët matjan dhe drejtuesit e kësaj skuadre. Farrici është ndalur në rezultatet e dobëta të skuadrës dhe ka kërkuar menjëherë përmirësimin e gjendjes.

Adelina Farrici është shprehur se nga ana e saj Bashkia është treguar mjaft korrekte në plotësimin e kushteve për lojtaret dhe trajnerët. Ndërkohë që këto të fundit nuk kanë justifikuar asgjë.

Sipas Farricit fakti që skuadra ka vetëm 3 pikë në katër javë kampionati është e pafalshme dhe e patolerueshme. Nga ana e saj, kryebashkiakja theksoi se do të ketë masa ndëshkuese për përgjegjësit e gjendjes së rënduar në skaudrën e Burrelit.

Farrici tha se ka besim tek lojtarët, trajnerët dhe shefi i klubit për ndryshimin e situatës në këtë fundjavë që në ndeshjen me Tërbunin e Pukës.