ASNN – Katari është vendi organizator i Botërorit të futbollit në vitin 2022. Për herë të parë në histori, veprimtaria më e madh botërore e futbollit zhvillohet në një vend arab. Por, përtej fasadës marramendëse, punimet për ndërtimin e stadiumeve atje nuk po shkojnë si duhet. Punëtorët janë të pakënaqur me kushtet e punës, megjithëse kompanitë kontraktuese pretendojnë të kundërtën. Stadiumi “Lusail” është vendi ku do të zhvillohet ndeshja hapëse dhe ajo finale e Botërorit 2022 në futboll.

Ai do të ketë një kapacitet prej 80,000 vendesh dhe do të jetë stadiumi më i madh i turneut, që nis më 21 nëntor 2022 dhe do të jetë i pari që do të zhvillohet në botën arabe. Me bazamentin e plotë, superstruktura e betonit dhe punimet e infrastrukturës po përparohet në të gjitha zonat ku do të ulen spektatorët, ndërsa punët e brendshme kanë filluar në stendën perëndimore. Stadiumi do të përfundojë në vitin 2020. Por si po shkojnë punimet?

Deri më sot, ka pasur 12 viktima të lidhura me punën, sipas organizatorëve të turneut. Të paktën 26,000 njerëz janë të përfshirë drejtpërdrejt në ndërtimin e stadiumeve të propozuara nga vendi organizator. Kontraktuesit e përfshirë në projektet e Botërorit kanë rënë dakord të rimbursojnë më shumë se 14.4 milion dollarë për mijëra punëtorë që kishin paguar tarifa të rekrutimit përpara se të shkonin në Katar. Tamim El-Abed, menaxher i projektit, Lusail Stadium u shpreh optimist

“Natyrisht, Komiteti Suprem i kushton shumë vëmendje dhe përqendrohet në gjendjen e çdo punonjësi të përfshirë në këtë projekt, – ka thënë ai, duke folur për mediat. – Ne kemi themeluar standardet e mirëqenies së punëtorëve, janë zyrtare dhe të mbyllura në kontratën tonë si një pjesë e kontratës më të madhe të angazhuara në Komitetin Suprem dhe të gjitha firmat kontraktuale janë të detyruara të përmbushin këto kërkesa ose të mos punojnë me ne.”