ASNN – Kampionati Botërori i Futbollit që do të mbahet në vitin 2022, do të zhvillohet në muajt nëntor dhe dhjetor. Duket se mungon vetëm zyrtarizimi, pasi FIFA ka vendosur që, për herë të parë në histori, turneu më i rëndësishëm i futbollit në rruzull të mos zhvillohet në verë.
Vendimi përfundimtar do të merret në muajin mars gjatë mbledhjes së Komitetit Ekzekutiv të FIFA-s. Gjithsesi, gjithçka është vendosur, ndryshe nga sa flitej më parë se Botërori i Katarit mund të luhej në muajin maj. Po ashtu është hedhur poshtë edhe mundësia për t’u luajtur në muajin janar.
Shkak për këtë vendim janë temperaturat e larta në Katar gjatë verës, që mund ta arrijnë deri në 50 gradë Celsius në hije.
