ASNN – Flojd Mejuedhër do të blejë skuadrën e Njukasëllit në Premier Ligën Angleze të Futbollit. Boksieri amerikan gjithnjë kërkon të provojë fatin e tij sa herë që është e mundur. Kjo falë fuqisë së tij ekonomike ai mund të investojë në botën e futbollit, veçanërisht në Premier Ligë. Boksieri i njohur amerikan ka vizituar Anglinë si pjesë e një ngjarje promovuese dhe atje ai iu përgjigj disa pyetjeve nga gazetarët e pranishëm.

Aty ai pranoi se dëshironte të blinte Njukasëllin, duke i habitur të gjithë. “Në Shtetet e Bashkuara kanë filluar ta pëlqejnë futbollin, – tha ai. – E mua më pëlqen shumë skuadra e futbollit të Njukasëllit. Është një ekip i jashtëzakonshëm, një ekip i shkëlqyeshëm. Nëse tifozët duan që unë të blej ekipin e Newcastle, atëherë do ta bëj.” Boksieri amerikan  e bëri të qartë që opinioni publik është thelbësor për të, që më pas të ndërmarrë atë hap.

Gjithçka do të vendoset pasi boksieri të bisedojë me pronarin aktual të klubit, miliarderin britanik, Majk Eshli. Ndërkohë Flojd Mejuedhëri do të kthehet për të boksuar këtë vit. Flitet që rivalët e mundshëm të tij mund të jenë Konor MekGregor ose Khabib Nurmagomedov. Ai kërkon shumën prej 600 milion dollarësh për të luftuar me njërin prej tyre.