Në Samsun të Turqisë ka nisur turneu kualifikues në boks për në Lojërat Olimpike “Rio de Zhaneiro 2016”. Dhe në të marrin pjesë edhe boksierët shqiptarë. Dhe nisja e kësaj gare ka qenë shumë i mirë për “dorezat” kuqezi.
Kështu në peshën 75 kg, Arjon Kajoshi ka fituar pastër 3-0 ndaj kroatit Luka Plantiç. Ndërkohë që në peshën 81 kg, Syrja Marinaj, edhe pse me shumë vështirësi, ia ka dalë të jetë fitues ndaj sllovenit Klemen Turkus.
Dhe në mbrëmje, ai që ishte dhe më i miri i kuqezinjve në Bullgari një muaj më parë, Alban Beqiri, ka shpërthyer fort, ndërsa ka fituar 3-0 në duelin e tij ndaj suedezit Oliver Fodin.
Tashmë pritet të ngjitet në ring në peshën 56 kg Krenar Zenelaj, kurse nisja e shqiptarëve në turneun kualifikues të Lojërave Olimpike “Rio de Zhaneiro 2016” është e mbarë.
