Presidenti Kalivopulli i ka marrë me radhë veprimtaritë kombëtare,që në vitin 2015 kanë nisur me kampionatin e shkollorëve, të paratërinjve, të rinjve, të rriturve dhe Kupa e Shqipërisë. Por ajo që ka ndezur debatin e parë ka qenë për sportistin më të mirë të vitit, që në 10-shen e shpallur nga Komiteti Olimpik Kombëtar Shqiptar i ka takuar Arjon Kajoshit.

Kalivopulli ka argumentuar se përse Kajoshi e jo Krenar Zeneli, ndërsa gjatë vitit shkodrani ka pasur 10 fitore e 1 humbje, kurse vlonjati pesë fitore dhe një humbje. Zëri është ngritur si nga Gëzim Zeneli, po ashtu edhe nga Ismet Varfi, Skënder Kurti, Baftjar Abazi dhe Perlat Llalla. Dhe për t’i shpëtuar kësaj vorbulle, që në fakt nuk duhet të ishte përgjegjësi e Federatave për të zgjedhur sportistin, por e KOKSH-it, Kalivopulli ka një ide.

“Të ngremë një komision prej 5 vetësh dhe ata të shpallin më të mirin mbi bazën e medaljeve, – ka propozuar ai. – Pse jo, të kemi dhe një pikëzim (1 në kampionat, 2 në veprimtari ndërkombëtare, rajonale dhe private, 3 në veprimtari ndërkombëtare të mëdha, Evropian, Botëror). Dhe, mbi bazën e shumës që do të votohet nga ju, del dhe sportisti më i mirë.”