ASNN – Sipas asaj që raportojnë mediat ndërkombëtare, mesfushori shqiptar, Blerim Xhemaili, do të transferohet në kampionatin amerikan të futbollit, “MLS”, tek skuadra e Montreal Impaktit.
Xhemaili do të transferohet tek kanadezët në qershor të vitit 2017, ka bërë të ditur presidenti i klubit që militon në kampionatin amerikan të futbollit, Xhoi Saputo. Edhe vet futbollisti kishte bërë të ditur se lojtari do të dëshironte të transferohej në SHBA.
Marrëveshja se Xhemaili do të luajë në MLS, u konfirmua edhe nga Saputo. “Nuk e fsheh, kontrata e Xhemailit është disavjeçare, – tha ai. – Ai do të jetë tek Bolonja deri në qershor 2017, pastaj do të transferohet në Montreal.”
Kujtojmë këtu që 30-vjeçari i cili ka veshur edhe fanellën e përfaqësueses së Zvicrës, ka luajtur në skuadra të njohura evropiane si Torino, Napoli, Gallatasaraji, dhe, së fundi, është duke u aktivizuar tek Bolonja.
