ASNN – Mesfushori shqiptar Blerim Xhemaili është afër Fiorentinës. Lajmi bëhet i ditur nga faqja italiane në “canalegenoa.it”. Sipas kësaj faqeje, të lidhur me klubin e Xhenoas, Xhemaili nuk do të vijë në skuadrën e Xhenoas, e cila po i kërkon gjithashtu shërbimet e shqiptarit.
“Lojtari do të takohet me drejtuesit e Fiorentinës, – shkruan faqja në fjalë për futbollistin me origjinë shqiptare të përfaqësueses së Zvicrës. – “Vjollcët do t’i ofrojnë atij 3 milionë euro për një kontratë 3-vjeçare, ose 1.2 milionë euro për vit. Takimi është planifikuar të ndodhë këto ditë.”
Xhemaili është pjesë e Gallatasarajit, që nga vera e shkuar. Për të interesohet edhe Torino, por Fiorentina ka avancuar më shumë dhe mund ta realizojë misionin e marrjes së Xhemailit.
