Eklent Kaçi, bilardisti i Laçit, është kampioni i Shqipërisë në disiplinën me 9 gurë, ndërsa ky Kampionati Kombëtar Individual është zhvilluar për dy ditë me radhë në Tiranë.

Në këtë kampionat, edhe sipas informacionit të ardhur nga Federata Shqiptare e Bilardos, kanë marrë pjesë ekipet e Butrintit, Apolonisë, Levanit, Malësisë së Madhe, Skënderbeut, Besëlidhjes, Teutës, Dinamos, Partizanit, Naftëtarit, Përmetit, Tomorit, Vllaznisë.

Por nuk kanë munguar edhe bilardistë nga Maqedonia, Gjakova dhe Prizreni. Edhe sepse vizioni i Federatës Shqiptare të Bilardos me president Edmond Loku ishte për një kampionat individual në disiplinën me 9 gurë mbarëkombëtare.

Bilardisti më i vogël i veprimtarisë ka qenë 12-vjeçari i Teutës, Alban Paja, kurse më i vjetri, që ishte në kategorinë e veteranëve, ishte Feridan Çela i Partizanit. Gjithsej kanë qenë 70 bilardistë, ndërsa gjatë këtyre ndeshjeve u vu re një luftë e madhe sportive dhe dëshirë për fitore.

Kampionati Kombëtar Individual

i Bilardos në lojën me 9 gurë

Rezultatet teknike:

Turi çerekfinal:

Labinot Markaj (Vllaznia) – Edlir Kurthysa (Teuta)        7-9

Dorjan Maze (Naftëtari) – Lorenc Kureta (Naftëtari)      9-6

Edmond Zaja (Laçi) – Dritan Bajrami (Strugë)                9-8

Denio Gjinali (Dinamo) – Eklent Kaci (Laçi)                   3-9

Turi gjysmëfinal:

Edmond Zaja (Laçi) – Edlir Kurthysa (Teuta)                  9-2

Eklent Kaçi (Laçi) – Dorjan Maze (Naftëtari)                   9-6

Finalja:

Edmond Zaja (Laçi) – Eklent Kaçi (Laçi)                         7-9