ASNN – Grupi B i Kategorisë së Parë të Kampionatit ka luajtur të shtunën ndeshjet e javës së 3-të dhe spikati fitorja 4-0 që Besëlidhja korri në fushën e vet ndaj Besës. Tre golat e shënuar nga Bajiç dhe një nga Hepaj u kanë dhuruar lezhjanëve 3 pikët dhe, bashkë me to, edhe kreun e renditjes, me 7 pikë.
Po 7 pikë ka edhe Kastrioti, që fitoi minimalisht në Kamëz ndaj skuadrës vendase, ndërsa në vendin e tretë, me një pikë më pak, është edhe nënkampionia e Kategorisë së Dytë sezonin e shkuar, Erzeni, që mori gjithashtu një fitore minimale, por mjaft të vyer, në Mamurras ndaj skuadrës vendase.
Edhe kampionia e sezonit të shkuar të Kategorisë së Dytë, Korabi, mori një fitore minimale, por të çmuar në Fushë-Krujë ndaj vendasve të Ilirisë, dhe tashmë ndodhet në kuotën e 6 pikëve, po aq sa kanë edhe shijakasit dhe Besa. Nga rezultatet e 3 javëve të para, në këtë grup pritet një rivalitet i madh këtë sezon.
Kategoria e Parë
Java e 3-të
Grupi A
Të shtunën, 26 shtator 2015:
Ada Velipojë – Burreli 2-0
Shënues: Kim 42’, Vecaj 55’
Karton i kuq: Puka
Kompleksi “Reshit Rusi”, Shkodër
Mamurrasi – Erzeni 0-1
Shënues: Kllari 80’
Fusha Sportive, Mamurras
Iliria Fushë-Krujë – Korabi 0-1
Shënues: Muçallari 72’
Stadiumi “Redi Maloku”, Fushë-Krujë
Kamza – Kastrioti 0-1
Shënues: Peqini 53’
Stadiumi i Kamzës
Besëlidhja – Besa 4-0
Shënues: Bajiç 10’, 52, 77’, Hepaj 58’
Stadiumi “Besëlidhja”, Lezhë
Renditja
Nr. Skuadra N. F. B. H Gsh-Gp Pikë
- Besëlidhja 3 2 1 0 5-0 7
- Kastrioti 3 2 1 0 5-3 7
- Erzeni Shijak 3 2 0 1 5-2 6
- Korabi Peshkopi 3 2 0 1 4-2 6
- Besa 3 2 0 1 2-4 6
- Ada Velipojë 3 1 1 1 5-5 4
- Kamza 3 1 0 2 2-2 3
- Mamurrasi 3 0 1 2 2-4 1
- Iliria Fushë-Krujë 3 0 1 2 2-6 1
- Burreli 3 0 1 2 0-4 1
