ASNN – Besëlidhja nuk di të ndalet në Superligë, teksa ka shënuar fitoren e radhës, duke vijuar marshimin e saj me pikë të plota në nivelin më të lartë të Kampionatit Kombëtar të Basketbollit për Meshkuj. Lezhjanët e Afrim Bilalit fituan të dielën ndaj Flamurtarit në fushën e kësaj të fundit me rezultatin treshifror 60-101 (13-27, 16-19, 17-26, 14- 29), në takimin e vlefshëm për javën e 15-të.

Besëlidhja komandoi në të katërt 10-minutëshat, ndërsa vlonjatët e kishin të vështirë që përgjigjeshin nivelit të miqve. Lojtari i ndeshjes u shpall Uiksi, autor i 14 pikëve, 12 topave të zotëruar në tabelë dhe 2 pasimeve për kosh për ekipin lezhjan. Në ndeshjet e tjera, të luajtura më herët në fundjavë, Teuta mori një fitore të rëndësishme ndaj Partizanit në kryeqytet me rezultatin 76-82 (23-26, 23-19, 19-18, 11-19).

Në ndeshjen tjetër të së shtunës, që vuri përballë ekipet që mbyllin tabelën, Fieri mundi Skënderbeun me rezultatin e thellë 93-53 (21-13, 24-14, 27-10, 21-16), në takimin e luajtur në Vlorë. Në ndeshjet e luajtura të premten Tirana mundi Elbasanin në fushë të huaj, me shifrat 100-130, ndërsa sukses jashtë fushë regjistroi edhe Vllaznia, e cila mposhti Kamzën 81-84, në takimin e vendosur pas kohës shtesë.

Kampionati Kombëtar

Basketboll – Meshkuj

Superliga

Java e 15-të:

Kamza Basket – Vllaznia      81-84

Elbasani – Tirana                 100-130

Partizani – Teuta                     76-82

Fieri Basket – Skënderbeu   93-53

Flamurtari – Besëlidhja          60-101

Apolonia                                (pushim)

Renditja        

1. Besëlidhja                 26 pikë
2. Tirana                         24 pikë
3. Vllaznia                     24 pikë
4. Kamza Basket          23 pikë
5. Teuta                          23 pikë
6. Apolonia                    21 pikë
7. Elbasani                    19 pikë
8. Partizani                    18 pikë
9. Flamurtari                  18 pikë
10. Fieri Basket 15 pikë
11. Skënderbeu 14 pikë