ASNN – Niveli i dytë i Kampionatit Kombëtar të Futbollit, Kategoria e Parë, luajti dje ndeshjet e javës së katërt në të dy nivelet e tij, duke dhuruar mjaft emocione, surpriza, kartonë të kuq, por edhe 11-metërsha. Në Grupin A binte në sy përballja mes Tërbunit dhe Besëlidhjes, e cila ka përfunduar në barazimin 1-1, në një stadium të mbushur plot e përplot me tifozë nga të dyja qytetet.

Më e kënaqur ka dalë nga kjo sfidë Besëlidhja, e cila vijon të mbetet në krye, me 10 pikë, por tashmë e arritur nga Mamurrasi. Pukjanët mbeten dy pikë më pas, por pa u dekurajuar në betejën e tyre për t’u ngjitur në Superiore. Po ashtu, në këtë grup spikaste derbi i fqinjëve mes Kastriotit dhe Ilirisë, përballje që kthehej pas shumë kohësh, për shkak se dy skuadrat nuk janë gjendur në të njëjtën kategori.

Ka munguar goli, por jo lufta e fortë sportive, e cila është përcjellë nga afër prej një numri të konsiderueshëm tifozësh. Besa e emrit të madh, por pa shkëlqimin e një pretendenteje të vërtetë për t’u rikthyer në elitë, ka ngecur me barazimin 1-1 në shtëpi me Kamzën. Ashtu si Kastrioti, edhe skuadra kavajase, që zbriti nga Superiorja këtë edicion, nuk e ka shijuar ende fitoren, ndaj mbetet shumë larg pritshmërive.

Mamurrasi ambicioz mundi pa problem para tifozëve të vet Adën e Velipojës. Skuadra e Ylber Zanit luajti dhe e fitoi 3-0 ndeshjen e parë të këtij sezoni në shtëpi, sepse të parën e planifikuar në kalendar, atë me Burrelin, e fitoi në tavolinë 3-0.

Kategoria e Parë

Java e 4-t:

Të shtunën, 25 tetor 2014:

Grupi A

Tërbuni – Besëlidhja                        1-1

Shënues: Djarmati 60′(11-m.) / Malo 72′(11-m.)

Gjyqtarë: B. Pashaj, E. Doda, D. Rexha

Stadiumi “Ismail Xhemali”, Pukë

Besa – Kamza                                   1-1

Shënues: A. Çelhaka 63′ / F. Udoh 7′

Gjyqtarë: J. Xhaja, E. Barushi, E. Potomi

Stadiumi “Besa”, Kavajë

Mamurrasi – Ada e Velipojës          3-0

Shënues: Abraham 58′, 90’+2, Sulollari 62′

Gjyqtarë: A. Stolaj, D. Agaraj, R. Zaimi

Fusha Sportive “Adriatik”, Mamurra

Kastrioti – Iliria Fushë-Krujë           0-0

Gjyqtarë: E. Zhuli, A. Shkreta, B. Mesi

Stadiumi “Kastrioti”, Krujë

Të dielën, 26 tetor 2014:

Veleçiku – Burreli                             (14:30)

Gjyqytarë: O. Kuka, G. Qirici, E. Shehu

Stadiumi “Kastrioti”, Krujë

Renditja

Nr.       Skuadra                     N.        F.         B.        H.        Gsh-Gp          Pikë

1. Mamurrasi             4          3          1          0          9-1                  10
2. Besëlidhja             4          3          1          0          8-1                  10
3. Veleçiku Koplik 4          3          0          1          5-5                  9
4. Tërbuni Pukë             4          2          2          0          7-4                  8
5. Besa                         4          0          4          0          4-4                  4
6. Iliria Fushë-Krujë 4          1          1          2          4-5                  4
7. Kamza             4          1          1          2          2-5                  4
8. Burreli                         4          1          0          3          2-5                  3
9. Kastrioti             4          0          2          2          1-4                  2
10. Ada Velipojë 4          0          0          4          0-8                  0

Golashënuesit më të mirë:

2 gola: Myftaraj (Burreli); Marashi, Allamani (Besëlidhja); Çutra, Mone (Tërbuni)

1 gol: Doçi, Ajazi, Goxhaj, Balluku (Iliria); Karapici, Lala, Fonseka (Mamurrasi); Jakupi, Malo, Xhorxheviç (Besëlidhja); Sallaku, Çelhaka, Lushkja (Besa); Tafa. Lekaj (Tërbuni); Tali (Kastrioti); Banushaj (Veleçiku); Xhemalaj (Kamza)