Shaban Uka, në momentet që nuk është në Pallatin e Sportit “Asllan Rusi”, shfrytëzon dhe transmetimet e Rrjetit të Radio-Televizionit Shqiptar, që në ndeshjet e rrjetës të paktën këtë sezon ka qenë periodik.

E pikërisht në një nga transmetimet me të madhin e gazetarisë sportive televizive, Vladimir Grillo, gjatë ndeshjes Farka Volej-Erzeni 3-1 në celularin tim vjen dhe mesazhi i të madhit Uka.

“Volejbolli luhet në ajër e jo me këmbë në tokë, – shkruante legjenda e rrjetës shqiptare. – Tek Erzeni, me përjashtim të Nr. 11 (Vora), të tjerët nuk kapin as 3.10 metra në lartësi. Pra treguesit fizik janë zero.”