Federata Shqiptare e Basketbollit, përmes shkresës së firmosur dje nga Sekretari i Përgjithshëm, Korab Llazani, ka zyrtarizuar datat e Kupës së Shqipërisë. Turi eliminator në të cilin do të marrë pjesë Tirana Eagles Basket, Skënderbeu, Partizani, Apolonia për meshkuj, si dhe Elbasani e Apolonia për femra do të zhvillohet me sistem eliminimi, nga data 26 deri më 27 tetor.

Dhe shorti do të hidhet më 17 tetor në ora 12:00 në Federatën Shqiptare të Basketbollit, e sipas udhëzimit skuadra që del e para do të jetë pritëse. Faza çerekfinale do të zhvillohet më 15 dhe 16 nëntor 2016 dhe shorti do të hidhet më 31 tetor 2016 në Federatën Shqiptare të Basketbollit.

Finalet e Kupës së Shqipërisë do të zhvillohen më 27 dhe 28 nëntor 2916. Më 27 nëntor luhen gjysmëfinalet, ndërsa më 28 nëntor finalet meshkuj dhe femra. E shorti do të hidhet më 21 nëntor 2016. Fituesit në fuqi të Kupës së Shqipërisë janë Kamza Basket për meshkuj dhe Flamurtari për femra.