Basketbolli shqiptar në arenën ndërkombëtare nuk përfaqësohet vetëm nga tre gjyqtarë, të cilët janë Gentian Cici, Ervin Koçi dhe Erjon Hoxhaj, ndërsa pritet që së shpejti këtij grupi t’i bashkohen dhe Gilbert Hoxha e Marli Kasëmi, të cilët janë ende kandidat. Por një emblemë e basketbollit shqiptar mbeten dhe vëzhguesit ndërkombëtar, quajtur ndryshe komisarët e ndeshjes.
E i vetmi që ka mbetur është Stavri Bello, që të paktën mes 2015 e 2016-ës ka qenë i angazhuar në Kupat e Evropës, Ligën Ballkanike, apo dhe kualifikueset e Kampionatit Evropian të femrave. E së fundmi, në periudhën 9-17 korrik 2016, Bello ka qenë kryevëzhguesi i Divizionit B të Kampionatit Evropian Nën-20-vjeçareve, vajza, në Podgoricë.
Së bashku me francezin Bruno Voutier, Bello ka mbikëqyrur një grup prej 19 arbitrash, që ishin: Milan Adamoviç (Bosnje-Hercegovinë), Marian Miklosik (Skoci), Marko Vuçkoviç (Slloveni), Aleksei Davidov (Rusi), Alfred Jovoçiç (Kroaci), Roman Ponomarenko (Ukrainë), Marius Ciulin (Rumani), Sonia Tekseira (Portugali), Zdenko Zubak (Sllovaki), Aleksandër Milojeviç (Maqedoni), Martinas Gudas (Lituani), Vojcieh Liska (Poloni), Milojesh Koljensiç (Mali i Zi), Erjon Hoxhaj (Shqipëri), Milen Tsvetkov (Bullgari), Stanislav Kuçera (Republika e Çekisë), Kfir Mualem (Izrael), Juri Ihnatsieu (Bjellorusi).
Në 40 ndeshje të luajtura, të cilat janë ndarë në dy salla sportive ajo e Universitetit të Sportit dhe të Kulturës dhe Qendrës Sportive Moraca, Bello ka vëzhguar 20 takime, që janë si më poshtë: Irlandë-Slloveni 57-85, Ukrainë- Republika Çeke 34-78, Bullgari-Rumani 56-61, Bjellorusi-Kroaci 61-74, Slloveni-Mali i Zi 74-72, Bullgari-Bjellorusi 56-63, Rumani-Kroaci 62-54, Izrael-Ukrainë 70-75, Britani e Madhe-Slloveni 50-69, Lituani-Mali i Zi 84-60, Bjellorusi-Izrael 45-55, Rumani-Republika Çeke 52-75, Kroaci-Hungari 45-39, Irlandë-Ukrainë 55-69, Bjellorusi-Irlandë 69-35, Hungari-Slloveni 56-66, Lituani- Republika Çeke 72-51, Ukrainë-Bjellorusi 53-48, Irlandë-Izrael 24-68, dhe Slloveni-Lituani 62-45.
Vlen të përmendet fakti se dy gjysmëfinalet, por dhe finalja e madhe i ka takuar pikërisht vëzhguesit shqiptar, Stavri Bello, që në fakt e ka vlerësuar së tepërmi organizimin e malazezëve.
