Na shkund mirë Izraeli, plot 65 pikë diferencë. Vetëm në pjesën e dytë kuqezinjtë kanë mundur të luajnë si rivalë me përfaqësuesen izraelite e më pas gjithçka ka qenë nën dominimin e tyre, ndërsa kanë më shumë përvojë ndërkombëtare se përfaqësuesja shqiptare. Izraeli e ka nisur me furi menjëherë ndeshjen, ndërsa është shkëputur 5-0. Një dypikësh i Hysenagollit ngushton rezultatin në 5-2.
Ol Blajzer shfrytëzon një nga gjuajtjet e lira në dispozicion, ndërsa Hysenagolli, që ka qenë dhe shënuesi më i mirë i kuqezinjve në përballjen me Izraelin, na ka afruar në dy pikë diferencë, 4-6. Por ka një “black-out” të kuqezinjve, ndërsa me një rezultat të pjesshëm 0-21, Izraeli ka thelluar në 4-27. Shënon Hysenagolli dhe Shima dhe fundi i pjesës së parë tregon në tabelë totalin 7-31 për Izraelin.
E dyta ka nisur me ndryshime në kombëtaren tonë, sepse krahas Shimës, Hysenagollit dhe Laskut, në fushë janë dhe Shestani e Jani. E duket sikur ka një farë përmirësimi në lojën tonë. Sepse i përgjigjemi pikë më pikë Izraelit, që gjithsesi e ka fituar pjesën e dytë 16-21 dhe në pushim kryeson 23-52. E treta ka qenë sërish një kopje e së parës, ndërsa izraelitët nuk falin.
8-25 dhe në total 31-77. E po kështu dhe e fundit, 14-33, dhe në total 45-110 me një humbje me diferencë prej 65 pikësh ndaj Izraelit. Tashmë pritet një përballje ndryshe me Ukrainën, edhe sepse kuqezinjtë mund të kenë dhe justifikimin e lodhjes së udhëtimit të gjatë deri në Talin një ditë më parë. Por shkundja nga Izraeli ka qenë evidente.
Shqipëri – Izrael 45-110
(7-31, 16-21, 8-25, 14-33)
Shqipëria: Vogli, Dusha, Topalli (3), Hysenagolli (16), Shima (10) / Taflaj (5), Gjonaj, Jani (2), Lasku, Kola (4), Shestani (5), Faslija. Trajner: A. Konstantinides
Izraeli: Segev (5), Simon (6), Timor (6), Blajzer (7), Rothbart (11) / Kuleshov (22), Sharon (2), Ziv (10), Ariel (7), Ginat (11), Zalmanson (5), Koperberg (18). Trajner:
