Dje në mëngjes, në ora 07:30, kombëtarja e Shqipërisë në basketboll për meshkuj është nisur drejt Qipros atje ku do të marrë pjesë në një turne miqësor. Skuadra, në përbërje të të cilit janë 13 lojtarë deri në Qipro, teksa ka udhëtuar me linjën ajrore Tiranë-Athinë-Nikozia, ka qenë e shoqëruar nga ndihmëstrajnerët Afrim Bilali dhe Endri Rumani.
Ndërsa përgatitësi atletik Alber Sylejmani, pasi ka falënderuar drejtuesit më të lartë të basketbollit shqiptar, Presidentin e FSHB-së, Avni Ponari, dhe Sekretarin e Përgjithshëm, Korab Llazani, për mikpritjen, është larguar. Dhe kombëtarja shqiptare do ta nisi të premten në ora 16:00 me orën e Tiranës ndaj Qipros. Të shtunën, po në të njëjtën orë, do të jetë përballë Estonisë.
Ndërsa të dielën, në ora 18:30, do të jetë ndaj Katarit. Nuk duhet harruar që nga data 23, deri më 27 gusht Shqipëria do të jetë pjesëmarrëse dhe në një tjetër turne ndërkombëtar në Talin të Estonisë, atje ku do të jetë përballë skuadrës vendëse, Izraelit dhe Ukrainës. Dhe me 31 gusht në Tbilisi nis konkurrimin e saj për Eliminatoret e Kampionatit Evropian 2017 ndaj Gjeorgjisë vendëse.
Lista e basketbollistëve në turneun e Qipros:
Denis Deda, Elvis Dusha, Algert Gjonaj, Abdel Gjyzeli, Endri Hysenagolli, Mired Jani, Aldor Kola, Genti Lasku, Robert Shestani, Gerti Shima, Çelis Taflaj, Adriano Topalli dhe Redi Vogli
