Përsëri në Ligën Ballkanike, ndërsa gjyqtari ndërkombëtar i basketbollit, Erion Hoxhaj, ka gjykuar ndeshjen e tij të 6-të në këtë veprimtari. Ai ka qenë mbrëmë i tretë në ndeshjen e grupit D, Teodo-Karposh Sokoli 2000, që u mbyll me fitoren e malazezëve me shifrat 98-81 (23-22, 21-19, 31-18, 23-22).

Me të kanë qenë së bashku dhe boshnjakët Damir Kunosiç dhe Dragan Kralj, kurse vëzhgues malazezi Nikola Lepetiç. Për Hoxhajn ishte hera e dytë që gjykonte malazezët e Teodos, si dhe hera e parë maqedonasit e Karposh Sokolit, të cilët, në fazën e parë, ishin në grupin e Tiranës.

Më parë, Hoxhaj ka gjykuar nga 3 herë Sutjeskën e Nikshiqit dhe Kozhuvin, dy herë Teodon dhe nga një herë Trepçën e Mitrovicës, MKK Feni Industries dhe Kumanovo 2009. Parë kështu, pas Ervin Koçit me 12 ndeshje të gjykuar në Ligën Ballkanike, edhe Hoxhaj me 6 të tilla mbetet në qendër të vëmendjes së organizatorëve të kësaj veprimtarie.

Liga Ballkanike (BIBL 2016-2017)

Basketboll – Meshkuj

Grupi D

Java e dytë

(8 shkurt 2017)

Teodo – Karposh Sokoli 2000                   98-81

Peja – Kumanovo 2009                              85-68

Renditja

Nr.       Skuadra                     N.        F.         H.        Psh-Pp           Pikë

1. Kumanovo                4          3          1          325-326         7
2. Teodo                         4          2          2          342-316         6
3. Peja                            4          2          2          334-318         6
4. Karposh Sokoli         4          1          3          328-369         5