Federata Shqiptare e Basketbollit ka lajmëruar dje se më 30 nëntor do të nisi kampionati i para të rinjve, me sistemin vajtje-ardhje, me 12 skuadra, të cilat janë të ndara në dy grupe me nga gjashtë ekipe.
Në grupin A janë: Kamza Basket, Teuta, Real Basket (Studenti), Invaders, Superior Basket dhe QMB Tirana. Kurse në grupin B janë: Vlora Basket, Studenti, Superior Klima, Horizont Basket, Marsi Basket dhe Olimpik Basket.
Për në “play-off” kualifikohen dy skuadrat e para të çdo grupi, të cilat në gjysmëfinale ndeshen me skemën A1-B2 dhe B1-A2. Dhe gjysmëfinalet parashikohet të luhen më 4 prill, kurse finalja për titull “kampion” më 5 prill.
Në javën e parë më 30 nëntor kalendari është ky: Grupi A / Kamza Basket-Superior Basket, Real Basket-Invaders dhe Teuta-QMB Tirana; Grupi B / Superior Klima-Vlora Basket, Horizont Basket-Studenti dhe Marsi Basket-Olimpik Basket.
