Shqipëria e Nën-16-vjeçareve në basketboll për femra është bërë për të ardhur keq, sepse mbrëmë, në Ohër të Maqedonisë, është mundur me 100 pikë diferencë nga Danimarka. Nga një deri në dy kosha për çdo pjesë loje, kurse vajzat kuqezi sikur nuk kanë ekzistua në fushën e lojës dhe danezet kanë bërë si kanë dashur. I kanë provuar të gjitha lojtaret, ndërsa nuk ka mbetur askush pa shënuar. Në çdo periodë Danimarka shkëputej me rezultate të pjesshme, kurse Shqipëria nuk arrinte të shënonte asnjë pikë.
6-0 në pjesën e parë, 14-0 po përsëri në pjesën e parë dhe e gjithë kjo pjesë ka përfunduar 3-27. Në të dytën e ka hapur serinë e pikëve Zllatiçanin e vetëm kaq. Sepse nis furtuna e danezeve që e ndalin “frymën” në rezultatin 5-50 me një epërsi të pjesshme 0-23. Edhe në pjesën e katërt shënon Fekollari, por danezet nuk përmbahen, ndërsa rezultati shënon 7-60. Edhe një herë tjetër tonat e më pas furtuna daneze e në fund të periodës së tretë shënohet rezultati 9-76.
Në të katërtën ka vetëm Danimarkë në fushë, e cila me tre rezultate të pjesshme 0-17, 0-9, 0-14 ka shënuar fitoren më të thellë të Divizionit B. 12-112 me Shqipërinë dhe sot na pret Rumania, që mund të shënojë një tjetër “dramë” për Kombëtaren kuqezi të Nën-16-vjeçareve. Në statistika, vazjat kuqezi kanë shënuar 5 gjuajtje nga 38 tentativa me një përqindje 13 %, kurse Danimarka 43 nga 103 ose të barasvlershme me 42 %. Shkurt e djeshmja me një humbje prej 100 pikësh diferencë ishte një turp i madh për basketbollin shqiptar.
Shqipëri – Danimarkë 12-112
(3-27, 2-23, 4-26, 3-34)
Shqipëria: Zllatiçanin (7), Toska (2), Hasanaj, Dalipaj, Fekollari (2) / Shima, Haris, Kraja (1), Sinani, Lisi. Trajnere: F. Mitku
Danimarka: Baek (14), Langer (12), A. Nilsen (12), Lasen (6), Forman (11) / Svedsen (2), M. Nilsen (18), Hede Andersen (6), Graskov (6), Pedersen (8), Lashenmajer (5), Dalsgard (12). Trajnere: A. Andersen
