ASNN – Ai fitoi 3 tituj të kampionit të NBA-së me fanellën e kësaj skuadre. Vazhdojnë largimet nga skuadra nënkampione e NBA-së. E duket se Gollden Stejti po ndërron fytyrë. Në krahasim me sezonin e kaluar, janë të shumtë lojtarët që janë larguar nga kjo skuadër.
Përveç Durantit, Iguodalas dhe Kazënsit, edhe veterani Livingston i ka dhënë lamtumirën Gollden Stejtit. Ai nuk do të jetë më në dispozicion të trajnerit Kerr, duke filluar nga sezoni i ardhshëm. Livingston, tanimë 33 vjeç, largohet pas 5 vitesh nga me këtë skuadër.
Me fanellën e saj, ai ka fituar 3 tituj të kampionit të NBA-së. Në sezonin 2017-2018, ai është renditur midis 10 basketbollistëve më të mirë. Ndërkohë që bëhet zyrtare marrëveshja dyvjeçare me Kuli Steinin, dhe ajo 3-vjeçare me Pashëllin. Ata do të përfitojnë rreth 4.2 milionë dollarë.
