Federata Shqiptare e Basketbollit ka bërë të ditur se më 3 nëntor 2014, në ora 12:00, në mjediset e saj në kryeqytet, do të hidhet shorti i kampionatit të të rinjve dhe të rejave për sezonin 2014-2015.
Sipas inspektorit të Federatës Shqiptare të Basketbollit, Andi Koçi, klubet që kanë dëshirë të marrin pjesë në këtë aktivitet kanë kohë deri më 31 tetor, ora 12:00, që të sjellin regjistrimet e tyre, së bashku me përmbushjen e detyrimeve financiare.
Pas të cilave Federata Shqiptare e Basketbollit do të bëjë të ditura klubet pjesëmarrëse në këtë kampionat të moshave. Për dijeni të lexuesit, Përmeti për të reja dhe Vllaznia për të rinj janë kampionët në fuqi.
