Pas fitores me tre shifra në vizitën e Kamzës, Vllaznia realizon një tjetër fitore bindëse. Këtë radhë në shtëpi, në një Pallat Sporti të tejmbushur me spektatorë, të cilët, gjatë të gjithë kohës mbështetën skuadrën e zemrës në fitoren e thellë dhe të merituar ndaj Teutës.

Fitore kjo e realizuar përmes një loje tërësisht dominuese ndaj kundërshtarit, e cila, krahas të tjerave, është një paralajmërim direkt për kryesuesit bardheblu, që, të shtunën e ardhshme do të jenë mysafir në Shkodër. Referuar ecurisë së takimit, përpos pjesës së fundit që përfundoi barazim 17-17, në 3 të parat, kuqeblutë ishin superiorë në të gjitha drejtimet.

Falë blerjeve të merkatos dimërore, trajneri kroat Jeronimo Sarin, e nisi lojen me vetëm një shkodran në 5-shen e parë e parë, kapitenin Ervin Berdica. Dhe, përkrah tij, titullarët e tjerë ishin 3 basketbollistët amerikanë, Frilav, Xhekson dhe Palmer, si dhe Hamati. Me këtë përbërje, si dhe ndërhyrje të ndryshme në freskimin e formacionit, kuqeblutë e mbyllin pjesën e parë 18-14.

Në dhjetëminutëshin e dytë janë edhe më të saktë në shënimin e pikëve duke fituar 23-10 dhe në pushim kryesojnë 41-24. Pas pushimit, kreu i stolit të skuadrës durrsake, Glomaziç, bën lëvizjet e duhura për të shkurtuar diferencën e humbjes. Por janë sërishmi kuqeblutë që fitojnë 19-12 dhe thellojnë në 60-36.

Diferencë kjo që i jep mundësi stafit kuqeblu të hedhë në fushë edhe basketbollistët e rinj, moment të cilin kërkojnë ta shfrytëzojnë miqtë. 17-17 ka qenë 10-minutëshi i 4-t dhe i fundit dhe, në përfundim, 77-53 për Vllazninë.

Vllaznia – Teuta 77-53

(18-14, 23-10, 19-12, 17-17)

Vllaznia: Hamati, Bërdica, Frilov, Xhekson, Palmer/Da.Lekndreaj, Bekteshi, Ndoja, Gjonaj, Rrashketa, Arra Trajnerë: J.Sarin/B.Gjeçaj

Teuta: Gorea, Aliaj, Thano, Jani, Daliu/Erbesei, Veselagu, Pasha, Këame Trajner: Z.Glomaziç

Gjyqtarë: G.Cici, E.Koçi, O.Kasmi (Tiranë)

Kampionati Kombëtar

i Basketbollit – Meshkuj

Superliga

Java e 15-të

(3-4 mars 2017)

Të premten:

Kamza Basket – Ardhmëria Basket          60-72

Të shtunën:

Flamurtari – Tirana                                      48-100

Vllaznia – Teuta                                           77-53

Renditja

Nr.       Skuadra                     N.        F.         H.        Psh-Pp           Pikë

1. Tirana                         15        14          1        1448-971       29
2. Vllaznia                     15        10          5        1186-988       25
3. Vllaznia                     15        10          5        1163-1028     25
4. Kamza Basket          15          7          8        1126-1209     22
5. Ardhmëria Basket    15          4        11          988-1024     18
6. Flamurtari                  15          0        15          731-1423     15