Ardhmëria Basket nuk ka mundur ta mbajë deri në fund epërsinë, sepse është dorëzuar në dy pjesët e dyta, atje ku Vllaznia ka triumfuar falë peshës së fanellës dhe të qenit “kampione” e Shqipërisë. Gjonaj e Sukaj bëhen promotorët e një suksesi të skuadrës së Bilalit, ndërsa pjesa e parë është fituar prej tyre, 15-11. E dyta përsëri nga Ardhmëria Basket 13-12 dhe në pushim 28-23 për kryeqytetasit.
Është pikë në pikë perioda e tretë, por që triumfon Vllaznia 14-17 dhe 42-40 për Ardhmërinë. Skuadrës së Bilalit i mbyllet koshit, ndërsa shkodranët me një epërsi të pjesshme 0-8, përmbysin në 42-50. Ardhmëria Basket është në epërsi të 5 pikëve, 51-56 dhe tenton të luajë me faulla për të pasur më tepër topin nën kontroll. Por shkodranët nuk falin nga gjuajtjet e lira, sikurse nuk lënë hapësira për Ardhmërinë.
Pjesa e katërt ka qenë ajo që i ka vënë vulën suksesit të Vllaznisë. 10-20 dhe 52-60 dhe tek kuqeblutë ka gëzim për këtë triumf të mundimshëm në “frigoriferin” e “Asllan Rusit”. Duhet theksuar se Vllaznia ka përuruar edhe uniformat e reja, të sponsorizuara nga marka e njohur ndërkombëtare e gomave, “Goodyear”, dhe kompania e basteve, “ICG Bet”
Ardhmëria Basket – Vllaznia 52-60
(15-11, 13-12, 14-17, 10-20)
Ardhmëria Basket: Sukaj (13), Shahini (3), Ferra (4), Gjonaj (20), Merkaj (4) / Hoxha, Beqo (6), Mara (2). Trajner: A. Bilali
Vllaznia: Bekteshi (14), Ndoja (14), Bërdica (11), Da. Lekndreaj (3), Do. Lekndreaj (5) / Hamati (12), Taraboshi (1). Trajner: F. Hallunaj
Gjyqtarë: E. Hoxhaj, M. Kasëmi (Vlorë), G. Hoxha (Tiranë)
Kampionati Kombëtar
i Basketbollit – Meshkuj
Superliga
Java e 8-të
(8-10 dhjetor 2016)
Të enjten:
Kamza Basket – Flamurtari 98-65
Të premten:
Ardhmëria Basket – Vllaznia 52-60
Të shtunën:
Teuta – Tirana ora 19:00
Renditja
Nr Skuadra N F H Psh-Pp Pikë
- Tirana 7 7 0 632-474 14
- Vllaznia 8 5 3 579-548 13
- Teuta 7 5 2 539-436 12
- Kamza Basket 8 4 4 634-621 12
- Ardhmëria Basket 8 2 6 516-505 10
- Flamurtari 8 0 8 410-727 9
