ASNN – Tirana fiton Kupën e Shqipërisë në basketboll për meshkuj, ngadhënjen 91-74 ndaj Besëlidhjes në finale. Kështu Tirana ka triumfuar në finalen e së shtunës ndaj Besëlidhjes, duke fituar me shifrat 91-74 dhe duke bërë të vetin trofeun e Kupës së Shqipërisë në basketboll për meshkuj. Kupa e Shqipërisë në basketboll për meshkuj ka kurorëzuar fituesen e saj për këtë sezon dhe ajo është Tirana, e cila ka triumfuar në finalen e së shtunës ndaj Besëlidhjes, duke fituar me shifrat 91-74.

Ashtu sikundër finalja e Kupës së Shqipërisë për femra të enjten, por edhe dy gjysmëfinalet e meshkujve të premten, edhe finalja e së shtunës u soll për sportdashësit drejtpërdrejt në Rrjetin e Radio-Televizionit Shqiptar. Në fakt, përkundër pritshmërive, finalja ka parë vetëm bardhblutë në parket, që i kanë fituar të 4 10-minutëshat e këtij takimi që u luajt në Sallën Sportive të Lojërave me Dorë “Feti Borova” në Parkun Olimpik të Tiranës.

Kryeqytetasit e drejtuar nga trajneri Erkand Karaj kanë vendosur diktatin që në dy 10-minutëshat e parë, duke e fituar të parin me 5 pikë epërsi, 23-18, dhe të dytin me 9 pikë epërsi, 26-17, dhe duke shkuar kështu në pushimin midis dy gjysmave duke kryesuar bindshëm, me shifrat 49-35. 10-minutëshi i 3-të ka parë skuadrën lezhjane të reagojë, por prapëseprapë është fituar nga Tirana me një pikë epërsi 19-19, ashtu sikundër ka ndodhur edhe në atë të 4-tin dhe të fundit, që kryeqytetasit 23-21, që e fitojnë kështu gjithë ndeshjen 91-74.

Kupa e Shqipërisë

Basketboll – Meshkuj

Finalja

(Të shtunën, 20 janar 2024)

Besëlidhja – Tirana              74-91 (18-23, 17-26, 18-19, 21-23)