Ardhmëria Basket-Tirana, edhe pse ka shënuar një fitore të thellë të bardhebluve të Milatoviçit me 41 pikë diferencë, ka pasur probleme. Probleme që duket se kanë ardhur nga vendimet e gjyqtarëve, ndërsa të dy palët kanë qenë të pakënaqur. Ka nisur Tirana me Hysenagolli, i cili ka pretenduar për një shtyrje në zonë, por këtë protestë të tij gjyqtari Gokaj e ka ndëshkuar me gabim teknik.
Dhe më pas ofendimi i qendrës së Tiranës ndaj “bilbilit” shkodran është konvertuar në gabim teknik përjashtimi, ndërsa skuadrës së Milatoviçit i ka ikur një lojtar i rëndësishëm. Ndërkohë, gabim teknik është dhënë dhe nga Marli Kasëmi për stolin e Ardhmërisë, që në pjesën e tretë ka kryer një ndërrim pa shenjën e gjyqtarit. Bilali ka pretenduar fort se nuk ka qenë kështu.
Sepse, sipas tij, më parë kishte ardhur një vërshëllimë nga Gokaj, por që në fakt për Kasëmin ka qenë tjetër gjë. E gjithë kjo situatë është zbutur nga spektakli i amerikanit Rame, i cili ka shënuar 39 pikë, shoqëruar me 5 trepikësha. Vetëm në pjesën e parë, Ardhmëria Basket ka bërë rezistencë, ndërsa ka udhëhequr deri në 10-4 e më pas ka përmbysur Tirana në 18-21.
E më pas bardheblutë janë lëshuar “pa duar”. 17-28 e dyta dhe në pushim 35-49 për bardheblutë. 21-34 e treta dhe 56-83 për Tiranën. 14-28 e fundit dhe në total 70-111 për Tiranën, që vazhdon të jetë me marshe të larta në fitoret ndaj kundërshtarët. Pra plot 41 pikë diferencë ndaj Ardhmëria Basket.
Ardhmëria Basket – Tirana 70-111
(18-21, 17-28, 21-34, 14-28)
Ardhmëria Basket: Shahini (8), Mara (25), Beqo (2), Hoxha (1), Sukaj (17) / Shushku (8), Ferra (2), Huqi, Beliu (3), Ndoj, Fjolla (4). Trajner: A. Bilali
Tirana: Shima (16), Strazimiri (2), Hysenagolli, Vogli (7), Rame (39) / Hasani (4), Karaj (9), Gjyzeli (14), Hysa (6), Lasku (10), Gjeçi (4), Durrsi. Trajner: N. Milatoviç
Gjyqtarë: M. Kasëmi (Vlorë), O. Kasmi (Tiranë), J. Gokaj (Shkodër)
Kampionati Kombëtar
i Basketbollit – Meshkuj
Superliga
Java e 14-të
(24-25 shkurt 2017)
Të premten:
Ardhmëria Basket – Tirana 70-111
Kamza Basket – Vllaznia 58-100
Të shtunën:
Teuta – Flamurtari sot, ora 19:00
Renditja
Nr. Skuadra N. F. H. Psh-Pp Pikë
1. Tirana 14 13 1 1348-923 27
2. Vllaznia 14 9 5 1109-935 23
3. Teuta 13 9 4 1003-906 22
4. Kamza Basket 14 7 7 1066-1137 21
5. Ardhmëria Basket 14 3 11 916-964 17
6. Flamurtari 13 0 13 638-1216 13
