Tirana dhuron spektakël në Pallatin e Sportit “Asllan Rusi” në kryeqytet, teksa ka fituar me 21 pikë diferencë ndaj Ardhmërisë Basket dhe kreu përsëri është për bardheblutë e trajnerit maqedonas, Sllobodan Petrovskit. Tashmë kjo fitore i jep një tjetër moral Tiranës, e cila të mërkurën në Shkup do të luajë ndeshjen e radhës në Ligën Ballkanike, teksa do të jetë përballë Karpos Sokolit 2000.

Për bardheblutë kanë munguar për arsye dëmtimi Lasku e Vogli, por ajo që po penalizon për herë e pas çdo ndeshje është fatura që vjen nga ndëshkimi me gabime teknike. Sepse dje sërish e kanë pësuar Hysenagolli dhe Xhonsoni. Në përgjithësi Ardhmëria Basket, e mbështetur fort tek Gjonaj, në pjesën e parë ka rezistuar dhe e ka fituar atë 24-22.

Tirana ndërron marsh dhe reagon ndryshe në pjesën e dytë, teksa ka fituar 13-18 dhe në pushim është me epërsinë 37-40. Ajo që i ka vënë vulën suksesit për bardheblutë është pjesa e tretë, që Tirana e ka fituar 8-25 dhe ka thelluar në 45-65. Është koha jo vetëm për Hasanin e Hysën, apo dhe Durrsin, por dhe për të rinjtë Gjeli e Pashaj. Pjesa e fundit është një luftë pikë më pikë.

Por përsëri fiton Tirana 24-25 dhe në fund 69-90 për bardheblutë. Për t’u evidentuar është fakti se pranë trajnerit Afrim Bilali tashmë në rolin e ndihmësit do të jetë Vladimir Xheka. Por kjo skuadër ende nuk po gjen fitoren, ndërsa kjo ishte humbja e tretë radhazi duke mbetur në suksesin e javës së parë, 75-31 me Flamurtarin në “Asllan Rusi” në kryeqytet.

Ardhmëria Basket – Tirana             69-90

(24-22, 13-18, 8-25, 24-25)

Ardhmëria Basket: Sukaj (15), Gjonaj (22), Beqo (8), Merkaj (5), Ferra (2) / Shahini (5), Mara (10), Hoxha (2), Latifi. Trajner: A. Bilali

Tirana: Rame (15), L. Petrovski (6), Xhonson (26), Hysenagolli (14), Karaj (4) / Gjyzeli (16), Hysa (7), Hasani, Durrsi (2), Gjeli, Pashaj. Trajner: S. Petrovski

Gjyqtarë: G. Cici, O. Kasmi, G. Hoxha (Tiranë)

Kampionati Kombëtar

i Basketbollit – Meshkuj

Superliga

Java e 4-t

(4-5 nëntor 2016)

Të premten:

Ardhmëria Basket – Tirana                        69-90

Kamza Basket – Vllaznia               84-62

Të shtunën:

Flamurtari – Teuta                           ora 18:00

Renditja

Nr.       Skuadra                     N.        F.         H.        Psh-Pp           Pikë

1. Tirana                         4          4          0          332-264         8
2. Vllaznia                     4          2          2          303-273         6
3. Kamza Basket          4          2          2          295-296         6
4. Teuta                          3          2          1          225-206         5
5. Ardhmëria Basket    4          1          3          273-264         5
6. Flamurtari                  3          0          3          136-261         3