Tirana e basketbollit të meshkujve në Ligën Ballkanike, të paktën në ndeshjen e mbrëmshme në Shkup, është bërë si ajo “lopa që e mbush plot kovën me qumësht” dhe më pas “i bie po vetë me shkelm”. Bardheblutë ka qenë mbrëmë tërësisht e gjymtuar, sepse nuk kanë pasur të gatshëm as Laskun, as Voglin e as malazezin Gavraniç, të 3 të dëmtuar. Për rrjedhojë e gjithë ndeshja është përballuar me 7 lojtarë, atje ku pesha kryesore ka qenë tek Hysenagolli e Shima.

Takimi nuk është se ka nisur mirë, ndërsa disavantazhi më i ngushtë ka qenë 6-4. E më pas vjen shpërthimi i maqedonasve, që pjesën e parë e kanë fituar 33-19. Karpos Sokoli arrin të shkëputet deri në 20 pikë diferencë, 43-23. Dhe Tirana, me një epërsi të pjesshme 0-8, arrin të afrohet në 43-31. Pikë më pikë, pjesa e dytë mbyllet 15-14, dhe maqedonasit kryesojnë 48-33. Pas kthimit në parket, Tirana ka hyrë në lojën e saj më të mirë.

Shima e Hysenagolli, por dhe Rame bëhen frymëzuesit e një përmbysjeje të madhe. Pas disavantazhit 54-41, Shima dhe Rame e Tirana afrohet deri në 9 pikë diferencë, 54-45. Dhe, dy minuta përpara përfundimit të pjesës së tretë, me një epërsi të pjesshme 2-12, Tirana është një pikë përpara, 56-57. Fundi është 60-59 për maqedonasit. Pjesa e katërt është më e ethshme, sepse luhet për çdo pikë. Aq sa Tirana ka qenë shumë pranë fitores, teksa ka kryesuar 73-74.

Por nuk mjafton. Ndoshta duhet dhe më shumë përvojë për të administruar të tilla situata, ndërsa Karpos Sokoli shënon 5 pikë e bardheblutë asnjë. E në fund humbja e tretë, me vetëm katër pikë diferencë, 78-74. Tirana rikthehet në Ligën Ballkanike pas dy javësh me vizitën në Mitrovicë ndaj Trepçës.

Karpos Sokoli 2000 – Tirana          78-74

(33-19, 15-14, 12-26, 18-15)

Karpos Sokoli 2000: Perri (15), Zekoviç (14), Laboviç (12), Sapundijev (3), Vrbanc (12) / Sokolov (6), Penov (3), Bakosh (7), Riçards (6), Jakimovski. Trajner: D. Nikoliç

Tirana: Xhonson (2), Shima (23), Rame (16), Karaj (6), Hysenagolli (17) / L. Petrovski (7), Gjyzeli (3). Trajner: S. Petrovski

Gjyqtarë: M. Tomov, I. Manolov (Bullgari), L. Bukuresti (Rumani)

Liga Ballkanike e Basketbollit për Meshkuj

Grupi B

Java e 4-t

(8-9 nëntor 2016)

Sutjeska – MKK Feni Industriers  79-71

Karpos Sokoli – Tirana                   78-74

Trepça Mitrovicë – Peja                   11 janar 2017

Renditja

Nr.       Skuadra                                 N.        F.         H.        Psh-Pp           Pikë

1. MKK Feni Industries           4          2          2          314-272         6
2. Sutjeska Nikshiq                  3          3          0          250-192         6
3. Tirana                                     4          1          3          270-319         5
4. Trepça Mitrovicë                   3          1          2          202-230         4
5.        Karpos Sokoli                       3          1          2          218-260         4
6. Peja                                        1          1          0            82-73            2