Bardheblutë e Petrovskit janë penalizuar nga tentativa për të ndalur lojën e maqedonasve me faulla, ndërsa Karaj e Shima kanë qenë të parët që kanë ikur me pesë gabime personale. Kaq mjafton për të firmosur humbjen e tretë radhazi. Tirana e basketbollit të meshkujve në Ligën Ballkanike, të paktën në ndeshjen e mbrëmshme në Shkup, është bërë si ajo “lopa që e mbush plot kovën me qumësht” dhe më pas “i bie po vetë me shkelm”.

Sepse, nëse në pushim ka qenë në disavantazh prej 13 pikësh, 48-33 për maqedonasit, jo vetëm që është afruar në pjesën e tretë, por vetëm 49 sekonda përpara fundit të lojës ka qenë në epërsi të një pike 73-74. Varianti i kërkuar nga trajneri Petrovski për të ndalur lojën e maqedonasve me faull, në mënyrë që më pas bardheblutë ta kishin më tepër topin në zotërim. duket se ka qenë i shtrenjtë. Sepse më parë Karaj e më pas Shima e kanë lënë fushën e lojës me 5 gabime personale.

Dhe maqedonasit nuk kanë falur, teksa kanë qenë 100 % të saktë në gjuajtjet e lira. E kësisoj kanë përmbysur në 78-74. Dhe gjuajtja e fundit e Luka Petrovskit për tre pikë edhe nëse do të ishte shënuar përsëri nuk do ta shmangte humbjen. E megjithatë kjo ishte ndeshja më e mirë e Tiranës jashtë fushës së saj, që tregon se në 4 ndeshjet që ka në shtëpi i ka të gjitha shanset për të pretenduar suksesin dhe për të qenë në 4 skuadrat e grupit B që do të jenë në fazën e dytë të Ligës Ballkanike.

Liga Ballkanike e Basketbollit për Meshkuj

Grupi A

Java e 4-t

(8-9 nëntor 2016)

Kumanovo 2009 – Kozhuv                                    84-76

Teodo – Beroe Stara Zagora                      93-80

Bashkimi – SIGAL Prishtina                      28 nëntor 2016

Renditja

Nr.       Skuadra                                 N.        F.         H.        Psh-Pp           Pikë

1. BC Beroe Stara Zagora      4          3          1          324-307         7
2. Kumanovo                            3          3          0          248-234         6
3. Teodo                                     3          2          1          253-237         5
4. Kozhuv                                  4          1          3          315-318         5
5. Bashkimi Prizren                 3          0          3          209-238         3
6. SIGAL Prishtina                   1          0          1            71-86            1

Grupi B

Java e 4-t

(8-9 nëntor 2016)

Sutjeska – MKK Feni Industriers  79-71

Karpos Sokoli – Tirana                   78-74

Trepça Mitrovicë – Peja                   11 janar 2017

Renditja

Nr.       Skuadra                                 N.        F.         H.        Psh-Pp           Pikë

1. MKK Feni Industries           4          2          2          314-272         6
2. Sutjeska Nikshiq                  3          3          0          250-192         6
3. Tirana                                     4          1          3          270-319         5
4. Trepça Mitrovicë                   3          1          2          202-230         4
5. Karpos Sokoli                       3          1          2          218-260         4
6. Peja                                        1          1          0            82-73            2