ASNN – Edhe niveli i dytë i Kampionatit Kombëtar të Basketbollit për Meshkuj, që njihet si Kategoria e Parë, ka luajtur dje dy ndeshjet e javës së tij të 3-të dhe Teuta vazhdon të kryesojë e shkëputur, pas fitores së 3-të radhazi.

Durrsakët kanë vuajtur, por ia kanë dalë të triumfojnë 77-73 në Korçë ndaj Skënderbeut vendas, duke mbajtur kreun e renditjes, me pikë të plota 6, ndërsa prapa i vijnë të 3 skuadrat e tjera me nga 4 pikë secila.

Ndërsa në Elbasan, skuadra vendase, e drejtuar nga trajneri Arben Xhyra, ka korrur një fitore karakteri ndaj Studentit. Kryeqytetasit e drejtuar nga trajneri i ri, Henri, Moja, i kanë fituar dy pjesët e para, përkatësisht 18-14 dhe 16-14, duke shkuar në pushim të ndeshjes me epërsinë 34-28.

Por vendasit kanë nisur të reagojnë në dy 10-minutëshat e tjera dhe atë të tretin e fitojnë 19-145, duke e ngushtuar epërsinë e kryeqytetasve në vetëm 2 pikë, 49-47 dhe duke shpërthyer në atë të 4-tin, të cilin e fitojnë 31-23 dhe gjithë ndeshjen 78-72.

ELBASANI – STUDENTI                 78-72

(14-18, 14-16, 19-15, 31-23)

ELBASANI: A. Çela, Skëndaj, Leka, Balliu, Uruçi / F. Çela. Trajner: A. Xhyra

STUDENTI: Danushi, Tufa, Fjolla, Lame, Shahini/Beqo, Ferra, Brari. Trajner: H. Moja

GJYQTARË: G. Shaqiri, E. Allaraj (Tiranë)

Kampionati Kombëtar

i Basketboll – Meshkuj

Kategoria e Parë

Java e 3-të

(15 nëntor 2014)

Elbasani – Studenti                         78-72

Skënderbeu – Teuta           73-77

Renditja

Nr.       Skuadra         N.        F.         H.        Psh-Pp           Pikë

1. Teuta 3          3          0          232-187         6
2. Studenti 3          1          2          204-205         4
3. Skënderbeu 3          1          2          190-198         4
4. Elbasani 3          1          2          181-217         4