Teuta në basketboll për meshkuj në prag të ndeshjes me Kamza Basket ka përkujtuar ish-lojtarin e saj, Klejdi Lucën (i biri i ish-volejbollistes së Korabit, Teutës dhe kombëtares së femrave) i ndarë nga jeta në moshën 27-vjeçare pas një sëmundjeje të rëndë.

Para ndeshjes janë rreshtuar të dy skuadrat dhe kanë përshëndetur Drejtori i Sporteve në Bashkinë e Durrësit, Ardian Ruga, Shefi i Klubit Shumësportesh “Teuta”, Kreshnik Leka, dhe kapiteni i durrsakëve, Marsel Aliaj. Më pas janë shfaqur në monitor momentet më të bukura të karrierës së këtij basketbollisti.

Për 4 vjet, ai ka luajtur me të rriturit e Teutës, ndërsa ka qenë edhe pjesë e kombëtares së të rinjve. Dhe një karafil tek fotoja e tij, një foto e përbashkët e të dy skuadrave dhe më pas ndeshja. Kamza Basket ka fituar pjesën e parë 23-32, por Teuta ka reaguar, duke fituar të dytën 22-16 dhe në total 45-48 për miqtë.

Në të tretën Kamza, duke fituar 11-18, ka thelluar kryesimin në 56-66. E fundit është 22-20 për Teutën, por kjo s’ka mjaftuar, sepse fitorja ka qenë për Kamza Basketin, me shifrat 78-86.

Teuta – Kamza Basket         78-86

(23-32, 22-16, 11-18, 22-20)

Kampionati Kombëtar

i Basketbollit – Meshkuj

Superliga

Java e 11-të

(3-4 shkurt 2017)

Të premten:

Tirana – Vllaznia                              73-67

Teuta – Kamza Basket                    78-86

Të shtunën:

Flamurtari – Ardhmëria Basket      ora 13:00

Renditja

Nr.       Skuadra                     N.        F.         H.        Psh-Pp           Pikë

1. Tirana                         11        10          1        1012-734       21
2. Teuta                          11          8          3          868-730       19
3. Vllaznia                     11          6          5          819-773       17
4. Kamza Basket          11          6          5          870-873       17
5. Ardhmëria Basket    10          2          6          660-682       12
6. Flamurtari                  10          0        10          519-957       10