ASNN – Një tjetër takim i vlefshëm për javën e 4-t të nivelit më të lartë të Kampionatit Kombëtar të Basketbollit për Meshkuj, që njihet si Superliga, ka qenë edhe ai i zhvilluar në Pallatin e Sportit “Ramazan Njala” të Durrësit, midis Teutës dhe Partizanit, që u fitua nga vendasit me 9 pikë epërsi, 76-67.

Shumë të fortë durrsakët në fushën e tyre, duke thyer rivalen e saj të radhës, Partizanin. Me përjashtim të pjesës së tretë, ku humbi 17-23, në tri të tjerat Teuta, e drejtuar nga trajneri i mirënjohur, Xhelal Kalaja, u tregua e gatshme për të përmbushur qëllimin e saj, fitoren.

Duke u udhëhequr në parket nga Marsel Aliaj formacioni durrsak luajti i sigurt. Ai shfrytëzoi luftën sportive në të dyja tabelat, lojën organizuese të Llazanit dhe Pashës, si dhe gjuajtjet nga distanca të Aliaj dhe në afërsi të Isakut, duke marrë në fund fitoren e dytë në këto 4 javë të para dhe duke qenë vetëm 1 pikë pas treshes kryesuese.

Kampionati Kombëtar

i Basketbollit – Meshkuj

Superliga

Java e katërt

(30-31 tetor 2015)

Të premten:

Kamza Basket – Flamurtari                        80-51

Të shtunën:

Teuta – Partizani                                          76-67

Tirana – Vllaznia                                          73-68

Renditja

Nr.       Skuadra                     N.        F.         H.        Psh-Pp           Pikë

1. Kamza Basket 4          3          1          310-223         7
2. Vllaznia 4          3          1          286-263         7
3. Tirana 4          3          1          303-291         7
4. Teuta 4          2          2          301-288         6
5. Flamurtari 4          1          3          254-312         5
6. Partizani 4          0          4          230-307         4