Tirana-Teuta ka qenë një duel mes Nikola Milatoviç dhe ish-durrsakëve të tij. Ardhja e malazezit e ka ndihmuar Tiranën që të ketë diferenca me durrsakët, edhe pse Jani e Gorea, por dhe Shestani shpeshherë janë shpërthyer mes “bombat” e tyre nga gjuajtjet për tre pikë. Në krahun tjetër Karaj, Rame, Xhonson, Shima e Hysenagolli nuk falin. 26-19 është pjesa e parë, 17-11 e dyta dhe në pushim Tirana kryeson 43-30.

Ajo që i ka vënë vulën suksesin të bardhebluve është perioda e tretë, që Tirana e ka fituar 27-12 dhe ka kryesuar 70-42. Teuta është munduar në të fundit, ka fituar 31-19, por vetëm ka ngushtuar në 89-73 për Tiranën, e cila është kthyer pas 5 vjetësh tek Kupa e Shqipërisë. Kështu, në basketboll për meshkuj fituese e Kupës së Shqipërisë, është Tirana.

Skuadra bardheblu ka mundur në finale Teutën me rezultatin 89-73. Edhe kjo finale është zhvilluar në pallatin e sportit “Ramazan Njala” në qytetin e Durrësit. Edhe pse shënon 6 pikët e para të sfidës, Teuta e ka të vështirë të përballojë rrjedhën e saktë të lojës që ndërmerr Tirana. Në sajë të mbrojtjes së rreptë dhe sulmeve të sakta të realizuara prej tyre, basketbollistët kryeqytetas e mbyllin gjysmën e parë me shifrat 69-39.

Kjo diferencë rritet edhe në minutat e pjesës së dytë. Me këtë ritëm Tirana arrin të fitojë krejt takimin me rezultatin 73-89. Në përfundim të ndeshjes, trofeun e Kupës së Shqipërisë, ia dorëzon kapitenit të Tiranës, Erkand Karaj, presidenti i Federatës Shqiptare të  Basketbollit, Avni Ponari. Të dy ndeshjet finale të Kupës së Shqipërisë në basketboll, për femra e meshkuj u transmetuan drejtpërdrejt nga Rrjeti i Radio-Televizioni Shqiptar, në kanalin e dytë tokësor, TVSH2 dhe në atë RTSH Sport të platformës dixhitale.

Tirana – Teuta                                   89-73

(26-19, 17-11, 27-12, 19-31)

Tirana: Rame (17), Karaj (2), Hysenagolli (16), Shima (15), Xhonson (19) / Vogli (5), Durrsi (2), Lasku (6), Gjyzeli (6), Pashaj (2), Hasani, Hysa. Trajner: N. Milatoviç

Teuta: Gorea (6), Shestani (19), Thano (12), Jani (14), Daliu (5) / Faslija (4), Aliaj (8), Veselagu, Pasha, Li (5). Trajner: A. Greva

Gjyqtarë: E. Koçi, G. Hoxha (Tiranë), M. Kasëmi (Vlorë)

Kupa e Shqipërisë

Basketboll – Meshkuj

Gjysmëfinalet:

(28 nëntor 2016)

Të hënën:

Tirana – Vllaznia                              85-69

(23-18, 23-24, 25-16, 14-11)

Teuta – Ardhmëria Basket              63-37

(20-6, 15-22, 13-4, 15-5)

Finalja

(29 nëntor 2016)

Të martën:

Tirana – Teuta                                  89-73

(26-19, 17-11, 27-12, 19-31)