ASNN – Besëlidhja është e pandalshme në kampionat, fitojnë edhe Tirana, Kamza dhe Partizani. Janë luajtur ndeshjet e javës së 22-të të Superligës në basketboll për meshkuj, që përkon me javën e parë të fazës së dytë. Besëlidhja kryesuese mbetet e pathyeshme në kampionat, duke fituar thellë 117-90 ndaj Teutës.
Ndonëse pritej një përballje më e fortë, epërsia e ekipit lezhjan ishte e madhe, ku u dallua Markuardt, autor i 45 pikëve. Për durrsakët, Bejkon realizoi 33 pikë, por që mbetën për statistikë. Ritmin e Besëlidhjes ruan Tirana, që mposhti 95-75 Apoloninë në Sallën Sportive “Fahrie Hoti” në kryeqytet.
Bardheblutë u shkëputën që në 10-minutëshin e parë dhe e mbizotëruan ndeshjen deri në fund. Dejvis me 24 pikë dhe Hysenagolli me 20 pikë e 19 topa të zotëruar në tabelë ishin dy shënuesit më të mirë për Tiranën. Jashte fushe fiton Kamza Basket, që mbetet forca e dytë në kampionat.
Kamzalinjtë mposhtën 81-64 Flamurtarin në Vlorë, ndeshje ku u dallua Kejes me 35 pikë. Pa probleme fiton në Korçë edhe ekipi i Vllaznisë, që mundi 104-66 Skënderbeun vendës. E nis mbarë këtë fazë të dytë ekipi i Partizanit, që fitoi 77-66 në Elbasan ndaj ekipit vendës.
Pas një pjese të parë të ekuilibruar, kryeqytetasit shkëputën në 20 minutat e dytë, ndeshje ku diferencën e bëri Mejxhër, autor i 24 pikëve.
Kampionati Kombëtar
i Basketbollit – Meshkuj
Superliga
Java e 12-të:
Elbasani – Partizani 66-77
Flamurtari – Kamza Basket 64-81
Skënderbeu – Vllaznia 66-104
Besëlidhja – Teuta 117-90
Tirana – Apolonia 95-74
Fieri Basket (pushim)
Renditja
Nr. Skuadra Pikë
- Besëlidhja 22
- Kamza Basket 20
- Tirana 19
- Vllaznia 19
- Teuta 18
- Apolonia 17
- Flamurtari 15
- Partizani 14
- Elbasani 14
- Fieri Basket 11
- Skënderbeu 11
