ASNN – Superiori edhe pas javës së 14-të vazhdon kryesimin e Kategorisë së Parë të Kampionatin Kombëtar të Basketbollit për Meshkuj, teksa dje ka arritur një fitore më shumë se të lehtë në pallatin e sportit “Tamara Nikolla” të Korçës. Vetëm në 20 minutat e para të takimit, korçarët e trajnerit Ilir Nika kanë rezistuar disi teksa humbisnin me vetëm 5 pikë diferencë 28-33.
Ndërkohë që pas pushimit, Skënderbeu është dorëzuar totalisht duke bërë që Superior i Çarçanit të fitonte me 32 pikë diferencë. Pjesën e parë të ndeshjes shënohen pak pikë, madje të dy ekipet gabojnë shumë si nga largësia, por edhe për dy pikë. 10-14 shënon tabela në 10 minutat e para, teksa pjesa e dytë është vërtet e bukur dhe duket e balancuar edhe në parket.
Përsëri Superiori fiton këtë periodë me një pikë diferencë 18-19, ndërkohë që pas gjysmës së parë shifrat janë 28-33 për miqtë. Pjesa e tretë është edhe vendimtarja e takimit, teksa Skënderbeut dorëzohet totalisht, ndërkohë që Superior është i saktë me trepikësha. Vetëm 6 pikë do të shënonin vendësit kundrejt 26 të miqve dhe diferenca thellohet në 34-59 pas 30 minutave lojë.
Pjesa e katërt është thjesht një formalitet, ku sërish fitohet nga miqtë nga kryeqyteti 13-20 dhe krejt takimi mbyllet 47-79.
Skënderbeu – Superior 47-79
(10-14, 18-19, 6-26, 13-20)
Skënderbeu: Thanas, Simaku, Nabip, Topi, Gërmenji / Bala, Gj. Nika, Duci, I. Kristo, J. Kristo, Qazimllari. Trajner: I. Nika
Superiori: Gjeci, Qilimi, Troja, Beqo, Pregja / Jareci, Shushku, Shehi, Nikolli, Qeleshi, Shytaj, Ferra. Trajner: E. Çarçani
Gjyqtarë: A. Dulçe, Y. Harasani (Tiranë)
Kampionati Kombëtar
i Basketbollit – Meshkuj
Kategoria e Parë
Java e 17-të
(9-10 prill 2016)
Të shtunën:
Skënderbeu – Superiori 47-79
Elbasani pushim
Të dielën:
Tirana Eagles – Ardhmëria Basket ora 14:00
Renditja
Nr. Skuadra N. F. H. Psh-Pp Pikë
- Superior 14 11 3 1028-741 25
- Ardhmëria 12 10 2 868-607 22
- Elbasani 13 8 5 977-866 21
- Skënderbeu 14 3 11 787-997 17
- Tirana Eagles 13 1 12 637-959 14
