ASNN – Takimi tjetër i javës së 4-të të nivelit të dytë, që njihet si Kategoria e Parë, e Kampionatit Kombëtar të Basketbollit për Meshkuj, ai midis Studentit dhe Skënderbeut, është luajtur sot në mesditë, duke nisur nga ora 12:00 dhe, siç pritej, ka qenë një duel interesant midis dy skuadrave që kishin nga një fitore dhe dy humbje në 3 ndeshjet që kanë zhvilluar deri më tani.
Por në fund, Studenti i trajnerit të ri, Henri Moja, ka bërë diferencën dhe ka fituar me rezultatin 64-56, duke bërë që gjendja në renditjen e këtij grupi të bëhet interesante. Teuta kryeson me 7 pikë, një më tepër sesa Studenti dhe Elbasani, ndërsa Skënderbeu ka 5 pikë. Ndeshja e parë e javës së 4-t të Kategorisë së Parë është luajtur të premten dhe Elbasani i ka shkaktuar Teutës humbjen e parë të këtij sezonit.
Verdheblutë e koshit të meshkujve i kanë shtangur vendasit në Durrës, duke i mundur me rezultatin e ngushtë, 71-69, por mbeten sidoqoftë në vendin e tretë të renditjes.

Kampionati Kombëtar
i Basketbollit – Meshkuj

Kategoria e Parë

Java e 4-t
(28-29 nëntor 2014)

Të premten:
Teuta – Elbasani 69-71

Të shtunën:
Skënderbeu – Studenti 56-64

Renditja
Nr. Skuadra N. F. H. Psh-Pp Pikë
1. Teuta 4 3 1 301-258 7
2. Studenti 4 2 2 268-261 6
3. Elbasani 4 2 2 252-286 6
4. Skënderbeu 4 1 3 246-262 5