ASNN – SIGAL Prishtina ka humbur të gjitha shanset për kualifikim për në turin tjetër të “FIBA Europe Cup”.
Por në skuadrën kampione të Kosovës vazhdojnë të besojnë se të paktën do të arrijnë ndonjë fitore deri në fund.
Prishtina ka humbur katër ndeshjet e para dhe deri në fund të kësaj faze të parë do t’i luajë edhe dy pa presion, pasi tashmë është e eliminuar.
Fitoret eventuale në këto ndeshje nuk do të kenë ndonjë vlerë për kualifikim, por do të shërbenin për ndreqje të imazhit dhe vetëbesim të lojtarëve.
Kujtojmë se SIGAL Prishtina është pjesëmarrëse edhe në Ligën Ballkanike të Basketbollit për Meshkuj.
