Atë që s’e bëri SIGAL Prishtina, Trepça e Mitrovicës dhe Bashkimi i Prizrenit, e ka bërë Peja në ditën e parë të sezonit të ri në Ligën Ballkanike. Klubi pejan është i vetmi nga Kosova që ka fituar në ditën e parë të Ligës Ballkanike. Në Grupin B, Peja mposhti MKK Feni Industries, me rezultat 82-73.

Në Palestrën “Karagaçi”, pejanët i fituan tri pjesët e para që i mjaftuan për të krijuar epërsi të mjaftueshme për ta marrë gjithë ndeshjen. Siç dihet, Peja është në grupi B, aty ku është edhe Tirana, e cila e ka fituar takimin e parë me Trepçën e Mitrovicës. Ndërkohë, edhe Bashkimi i Prizrenit e ka nisur me humbje sezonin e ri në Ligën Ballkanike në basketboll.

Klubi nga Prizreni u mposht nga Kozuvi, që ishte ekip vendës, me rezultatin 80-63. Maqedonasit ishin më të mirë në këtë ndeshje që nga fillimi duke u shkëputur në rezultat që në pjesën e parë. Në dy pjesët e fundit, Bashkimi fitoi, por kjo nuk mjaftoi për t’u kthyer në lojë e për të përmbysur shifrat. Bashkimi dhe SIGAL Prishtina janë pjesë e Grupit A në këtë sezon.

Të dyja kanë nisur me humbje sezonin bashkë me Teodon. Tri ekipet që kanë shijuar fitore në këtë xhiro janë Beroe, Kumanova dhe Kozuvi. E të njëjtën gjë në grupin B ka bërë dhe Tirana përballë Trepça Mitrovicës, Sutjeska ndaj Karpos Sokolit dhe Peja me MKK Feni Industries. Liga Ballkanike rikthehet mesjavën e ardhshme dhe Tirana do të jetë në transfertën maqedonase përballë MKK Feni Industriers.

Liga Ballkanike e

Basketbollit – Meshkuj

(BIBL 2016)

Rezultatet teknike të javës së parë:

Grupi A

Kumanovo 2009 – Teodo                           78-75

Beroe Stara Zagora – SIGAL Prishtina    86-71

Kozuv – Bashkimi i Prizrenit                      80-63

Renditja

Nr.       Skuadra                     N.        F.         H.        Psh-Pp           Pikë

1. Kozuv                         1          1          0          80-63              2
2. BC Beroe                   1          1          0          86-71              2
3. Kumanovo                1          1          0          78-75              2
4. Teodo                         1          0          1          75-78              1
5. SIGAL Prishtina       1          0          1          71-86              1
6. Bashkimi Prizren     1          0          1          63-80              1

Grupi B

Tirana – Trepça Mitrovica                           78-66

Karpos Sokoli – Sutjeska Nikshiq             60-94

Peja – MKK Feni Industries                       82-73

Renditja

Nr.       Skuadra                                 N.        F.         H.        Psh-Pp           Pikë

1. Sutjeska                                 1          1          0          94-60              2
2. Tirana                                     1          1          0          78-66              2
3. Peja                                        1          1          0          82-73              2
4. MKK Feni Industries           1          0          1          73-82              1
5. Trepça e Mitrovicës              1          0          1          66-78              1
6. Karpos Sokoli                       1          0          1          60-94              1