ASNN – Skënderbeu, që pak ditë më parë kishte marrë fitoren e dytë të sezonit në shtëpi ndaj Elbasanit, është kthyer tek humbja. Bëhet fjalë për përballjen me Tirana Eagles Basket në Pallatin e Sportit “Tamara Nikolla” të Korçës, atje ku Skënderbeu vendas është dorëzuar pa kushte ndaj kryeqytetasve, që në Kategorinë e Parë janë në vendin e dytë.

Ndeshja e djeshme ka qenë me dy pamje, teksa gjysma e parë ka folur për Skënderbeun, ndërkohë e dyta për miqtë që përmbysin epërsinë e korçarëve dhe fitojnë krejt takimin me 15 pikë diferencë. Për t’u theksuar është pjesa e parë, ku Skënderbeu luan mirë dhe është i saktë me gjuajtjet nga distanca. Falë kësaj miqtë hutohen dhe pranojnë në fund të 10-minutëshit të parë rezultatin 23-15 për vendësit.

Në pjesën e dytë, Tirana Eagles Basket luan disi më mirë, por sërish e ka të vështirë, pasi gabon shumë në gjuajtjet nga distanca. 34-32 do të mbyllej gjysma e parë e takimit. Në pjesën e tretë, Tirana Eagles Basket luan mirë dhe, jo vetëm që barazon rezultatin, por mendon që ta thellojë atë. Pas 30 minutash shifrat në tabelë shënohen 53-58, ç’ka duket se sjell qetësinë te miqtë.

Nga ana tjetër, në pjesën e fundit, vendasit kërkojnë të afrohen me gjuajtje për 3 pikë, duke gabuar shumë. Dhe në këtë mënyrë krejt takimi mbyllet 61-76 për Tirana Eagles Basket.

Skënderbeu – Tirana Eagles Basket       61-76

(23-15, 11-17, 19-26, 8-18)

Skënderbeu: Thanas, Habib, Topi, Duci, Bello / Bala, O. Simaku, S. Simaku, Terolli, Gërmenji, Treska, Qazimllari. Trajner: I. Nika

Tirana Eagles Basket: Nasi, Sako, Nikolli, Shehi, Zavalani / Adili, Nallbani, Kala, Musta, Branko. Trajner: K. Dedaj

Gjyqtarë: E. Allaraj, Y. Harasani (Tiranë)

Kampionati Kombëtar

i Basketbollit – Meshkuj

Kategoria e Parë

Java e 15-të

(4 mars 2017)

Skënderbeu – TiranaEagles Basket        61-76

Elbasani – Apolonia                                                49-67

Partizani                                                        pushim

Renditja

Nr.       Skuadra                                 N.        F.         H.        Psh-Pp           Pikë

1. Partizani                                12        12          0        921-578         24
2. Tirana Eagles Basket          12          8          4        791-677         20
3. Apolonia                                12          5          7        680-852         17
4. Elbasani                                12          3          9        678-884         15

5.       Skënderbeu                          12          2        10        764-841         14