ASNN – Panathinaikosi fiton derbin ballkanik. Mundi Fenerbahçen 74-63 në takimin që erdhi drejtpërdrejt në RTSH Sport. Të premten në mbrëmje ka ardhur për sportdashësit drejtpërdrejt takimi i vlefshëm për javën e 26-të të Euroligës së Basketbollit për meshkuj, midis Panathinakosit dhe Fenerbahçes, që u fitua nga grekët 74-63. Veprimtaria më prestigjioze e klubeve të Evropës në basketboll për meshkuj, është ka vijuar edhe të premten në Rrjetin e Radio-Televizionit Shqiptar, që, siç dihet, ka siguruar të drejtat ekskluzive të transmetimit për 3 sezone.
Dhe takimi që ka ardhur në mbrëmje për sportdashësit drejtpërdrejt ka qenë ai i vlefshëm për javën e 26-të, midis Panathinaikosit dhe Fenerbahçes. Në fakt, sfida e luajtur në kryeqytetin helen ka parë dy 10-minutëshat e parë të jenë të luftuar, me tablo të kundërta, teksa me skuadrën turke që e fiton atë të fillimit 21-13, por skuadra vendase reagon dhe e fiton thellë të dytin 25-9, edhe falë gabimeve të shumta të skuadrës turke në këtë fraksion loje. Kjo bëri që dy ekipet të shkojnë në pushimin e madh midis dy gjysmave me Panathinaikosin që kryeson me 8 pikë epërsi, 38-39.
10-minutëshi i 3-të do të jetë i luftuar dhe i barazpeshuar, por është Olimpiakosi që e fiton këtë fraksion loje me shifrat 19-17, duke kryesuar kështu me 10 pikë epërsi, 57-47, pas një gjysmë ore lojë. 10-minutëshi i 4-t dhe të fundit ka qenë i luftuar, por është skuadra vendase që e ruan gjakftohtësinë përballë ekipit turk që vazhdon të gabojë, dhe Panathinaikosi e fiton atë me shifrat 17-16 dhe gjithë ndeshjen me rezultatin 74-63, duke korrur fitoren e 6-të në këto 26 javë, ndërsa Valencia pësoi humbjen e 11-të, ndërsa ka korrur 15 fitore.
