ASNN – Janë luajtur dje ndeshjet e javës së 6-të të Kampionatit Kombëtar të Basketbollit për Meshkuj, dhe dy skuadrat rivale për kreun, Vllaznia dhe Tirana, kanë marrë fitore komode në fushë të huaj, përkatësisht ndaj Apolonisë dhe Flamurtarit.

Kuqeblutë shkodranë i kanë dhënë një leksion 3-shifror fierakëve në Durrës, duke i mundur me rezultatin e thellë, 108-45, ndërsa në Vlorë, bardheblutë kryeqytetas, kanë triumfuar me 22 pikë epërsi ndaj vendasve të Flamurtarit.

Ndërkaq, në Pallatin e Sportit “Asllan Rusi”, Partizani ka ngadhënjyer në duelin e nervave me Kamza Basketin, duke fituar me rezultatin minimal, 62-61, në duelin me periferikët e kryeqytetit.

Trajneri i miqve, Adem Muhametaj, ka goditur me shqelm tavolinën e sekretarisë e në pushim të ndeshjes ka debatuar me vëzhguesin Jorgji Shundi për një kosh të të kuqve, sipas tij, jashtë 24 sekondëshit

Kampionati Kombëtar

i Basketbollit – Meshkuj

Java e 6-të

(19 nëntor 2014)

Apolonia – Vllaznia                         45-108

Partizani – Kamza Basket 62-61

Flamurtari – Tirana              71-93

Renditja

Nr.       Skuadra                     N.        F.         H.        Psh-Pp           Pikë

1. Vllaznia 6          6          0          511-378         12
2. Tirana 6          5          1          520-395         11
3. Partizani 6          4          2          386-368         10
4. Kamza Basket 6          2          4          389-378         8
5. Flamurtari 6          1          5          392-477         7
6. Apolonia 6          0          6          320-522         6