Gjeorgjia, Sllovakia dhe Mali i Zi kundërshtarët tanë në një hark kohor prej gati tre javësh nga fundi i gushtit deri në mesin e shtatorit. Të forta, por premtohet një paraqitje dinjitoze.

“Shiko ne nuk prisnim ndonjë short më të mirë, – ka thënë shkurtimisht Sekretari i Përgjithshëm i Federatës Shqiptare të Basketbollit, Korab Llazani, – sepse të gjithë janë më të fortë se ne dhe kanë një nivel më të lartë se ne.”

“E gjithë puna është që të paraqesim basketbollin tonë, jo vetëm me të rriturit, por dhe me moshat, për të qenë dinjitoz”, – ka shtuar nr. 2 i organizmit që qeveris basketbollin shqiptar.

Ndërkohë që në mesin e javës, Llazani ka premtuar të dalë dhe në konferencë për shtyp e kjo jo vetëm për shortin, por dhe për të prezantuar trajnerët e kombëtareve dhe përgjegjësit e tyre.

Një verë e gjatë me ndeshje basketbolli, por që tashmë është realitet premtimi i presidentit Avni Ponari për shtatë kombëtare në parket. Të rritur, të rritura, Nën-20-vjeçarët djem, Nën-16-vjeçarët dhe Nën-18-vjeçarët djem e vajza.

Kampionati Evropian

i Basketbollit – Meshkuj

Grupi F

(31 gusht – 17 shtator 2015)

1. Gjeorgji
2. Mali i Zi
3. Sllovaki
4. Shqipëri

Kalendari i ndeshjeve të Shqipërisë

31 gusht 2016                      Gjeorgji – Shqipëri

3 shtator 2016                     Shqipëri – Mali i Zi

7 shtator 2016                     Sllovaki – Shqipëri

10 shtator 2016                    Shqipëri – Gjeorgji

14 shtator 2016                    Mali i Zi – Shqipëri

17 shtator 2016                    Shqipëri – Sllovaki