ASNN – Federata Shqiptare e Basketbollit ka vendosur të mos e rinovojë më këtë bashkëpunim me 46-vjeçarin Antonios Duka dhe është në kërkim të një trajneri të ri për Kombëtaren e meshkujve. Gjatë drejtimit të Dukasit, kuqezinjtë e koshit nuk arritën të marrin asnjë fitore në 4 ndeshjet e grupit B të fazës paraeliminatore të Evropianit 2021, ku përballë kishin Armeninë dhe Danimarkën. Kështu, Kombëtarja kuqezi e basketbollit për meshkuj është tanimë në kërkim të një trajneri, pasi kontrata me grekun Antonios Dukas ka përfunduar në fund të verës.
Dhe Federata Shqiptare e Basketbollit ka vendosur të mos e rinovojë më këtë bashkëpunim me 46-vjeçarin. Gjatë drejtimit të Dukasit, kuqezinjtë e koshit nuk arritën të marrin asnjë fitore në 4 ndeshjet e grupit B të fazës paraeliminatore të Evropianit 2021, ku përballë kishin Armeninë dhe Danimarkën. Kuqezinjtë e nisën më 23 nëntor 2017, me humbjen 63-80 me Armeninë në Sallën Sportive të Lojërave me Dorë “Feti Borova” në kryeqytet, për të vijuar më 22 shkurt 2018 me humbjen 69-82 përballë Danimarkës vendase në Kopenhagen.
Paraqitja e kuqezinjve vijoi me atë humbje 65-84 në Jerevan më 28 qershor 2018, përballë Armenisë vendase, për ta mbyllur më 1 korrik të këti viti në Tiranë me atë humbje 78-86 me Danimarkën në Tiranë, në atë që ishte padyshim ndeshja më e mirë e Shqipërisë nën drejtimin e Dukasit. Ky i fundit pasi zëvendësuar në këtë detyrë qipriotin Antonis Konstandinides, i cili gjithashtu i humbi të 4 takimet e grupit B të fazës paraeliminatore të Botërorit 2019, ku përballë kishin Holandën dhe Austrinë.
Mbetet për t’u parë nëse Federata Shqiptare e Basketbollit do të vazhdojë t’ia besojë trajnerëve të huaj stolin e Kombëtares apo do të rikthehet tek trajnerët vendas. Megjithatë, organizmi që qeveris basketbollin në vend duket se për momentin është më i përqendruar tek përgatitjet për të filluar sezonin e ri të kampionateve kombëtare, duke e shtyrë për më vonë çështjen e stolit kuqezi.
