ASNN – Kamza Basket është shpallur fituese e Kupës së Shqipërisë në basketboll për meskuj, pasi ka mundur të enjten në finale Tiranën me rezultatin 64-60. Kjo ishte hera e dytë në 4 vitet e fundit që skuadra e periferisë së kryeqytetit bën të vetin trofeun e dytë të koshit shqiptar të meshkujve.
Kupa e Shqipërisë në basketboll për meshkuj ka dhuruar emocione dhe supriza deri në fund, duke kurorëzuar si fituese të saj ekipin e Kamza Basket. Skuadra e drejtuar nga trajneri Adem Muhametaj ka triumfuar në finale ndaj Tiranës, me rezultatin 64-60, në një duel të barazpeshuar nga fillimi në fund.
Tirana e drejtuar nga trajneri Roland Avrami pati dhuruar surprizën, duke eliminuar fituesen në fuqi të Kupës dhe kampionen në fuqi, Vllazninë, dhe erdhi në finale si favorite. Pjesa e parë e një sfide të karakterizuar nga loja e ngjeshur mbrojtëse, është mbyllur në barazim 16-16.
Ndërsa e dyta është fituar nga Tirana me një pikë epërsi, 16-15. Por Kamza Basket përmbys shifrat në pjesën e tretë, të cilën e fiton me rezultatin 19-17, duke vijuar të fitojë edhe atë të 4-ën 14-11 dhe gjithë ndeshjen 64-60. Duke folur pas ndeshjes, trajneri i Kamza Basket, Adem Muhametaj, e cilësoi triumfin si mjaft të veçantë.
Sipas tij, ky sukses u arrit ndaj kundërshtarëve me mundësi më të mëdha ekonomike, si dhe falënderoi lojtarët e tij për shpirtin e sakrificës. Kjo është hera e dytë në histori dhe e dyta në këto 4 vitet e fundit, që Kamza Basket fiton Kupën e Shqipërisë në basketboll për meshkuj.
Libri i Artë i Kupave të Shqipërisë:
1951 Partizani
1952 Garnizoni i Tiranës
1956 Durrësi
1957 Vllaznia
1958 Vllaznia
1960 Partizani
1961 Tirana
1962 Tirana
1963 Tirana
1965 Lokomotiva
1966 Vllaznia
1967 Vllaznia
1968 Vllaznia
1969 17 Nëntori
1970 Partizani
1971 17 Nëntori
1972 Partizani
1973 17 Nëntori
1974 Dinamo
1975 Partizani
1976 Partizani
1977 17 Nëntori
1978 Partizani
1979 Dinamo
1980 Partizani
1981 Vllaznia
1982 Partizani
1983 Partizani
1984 Partizani
1985 Vllaznia
1986 Dinamo
1987 Partizani
1988 17 Nëntori
1989 Partizani
1990 Partizani
1991 Dinamo
1992 Dinamo
1993 Dinamo
1994 Vllaznia
1995 Partizani
1996 Vllaznia
1997 Studenti
1998 Vllaznia
1999 Dinamo
2000 Tirana
2001 Tirana
2002 Tirana
2003 Valbona
2004 Valbona
2005 Valbona
2006 Valbona
2007 Tirana
2008 Tirana
2009 Tirana
2010 Studenti
2011 Tirana
2012 Tirana
2013 Kamza Basket
2014 Vllaznia
2015 Vllaznia
2016 Kamza Basket
