Në fakt ka qenë një ndeshje e ekuilibruar në maksimum ajo sfidë midis Kamza Basket dhe Vllaznisë. Dhe dëshmia më e mirë janë tri pjesët e para, të cilat janë fiksuar barazim. 12-12. 19-19, 19-19 dhe në total 50-50. Karaj me një anë, së bashku me Hamatin dhe Shestanin, por në krahun tjetër edhe Alen, Bërdica, Arra e Fasllija bëhen argëtues në lojën e tyre, sepse ka përmbysje të shpeshta.

Vllaznia ka arritur të shkëputet deri në dhjetë pikë diferencë, 55-65. Një trepikësh i Karajt 58-65. Mandej 60-62, 62-64 dhe në fund 64-65. Bërdica ka pasur dy gjuajtje të lira për të fiksuar ndoshta fitoren e Vllaznisë. Por ka gabuar në gjuajtjet e tij dhe topi në dorën e Kamza Basket ka përfunduar tek Fjolla, që në tentativën e tij për tri pikë nuk kishte se si të gabonte.

Një “bombë” e jashtëzakonshme dhe në fund 67-65 për Kamza Basket që ka demonstruar dhe një herë që është skuadër pa shumë bujë, por me cilësi të mëdha deri në përmbysje ekstreme. E dje “viktima” ishte përsëri Vllaznia, që faturën e humbjes ia dha gjyqtarëve. Me të drejtë, apo jo, gjithçka mbetet në ndërgjegjen e atyre që ishin në parket për të arbitruar këtë ndeshje, por dhe në gjykimin e nxehtë të shkodranëve. Për të mos menduar që e kanë gjetur një justifikim për këtë humbje.

Sepse në fund Kamza Basket e ka merituar suksesin.

Kamza Basket – Vllaznia   67-65

(12-12, 19-19, 19-19, 17-15)

Kamza Basket: Hamati (19), Karaj (16), Shestani (17), Birçaj (4), Oruçi / Roshi (4), Fjolla (3), E. Muhametaj (4), Gjoka. Trajner: A. Muhametaj

Vllaznia: Alen (12), Bërdica (10), Arra (9), Rrashketa, Fasllija (17) / Gjonaj (8), Bekteshi (2), Xhokoviç (7). Trajner: B. Gjeçaj

Gjyqtarë: E. Koçi (Tiranë), E. Hoxhaj, M. Kasëmi (Vlorë)

Kampionati Kombëtar

i Basketbollit – Meshkuj

Superliga

Java e 16-të

(1-2 prill 2016)

Të premten:

Kamza Basket – Vllaznia    67-65

Partizani – Flamurtari           72-52

Të shtunën:

Teuta – Tirana                       (18:00)

Renditja

Nr.       Skuadra                     N.        F.         H.        Psh-Pp           Pikë

1. Kamza Basket          16        14          2        1163-951       30
2. Vllaznia                     16        12          4        1122-980       28
3. Tirana                         15        11          4        1148-965       26
4. Teuta                          15          6          9        1110-1078     21
5. Flamurtari                  16          3        13          973-1258     19
6. Partizani                    16          1        15          959-1243     17