ASNN – Kamza Basket kalon në Vlorë ndaj Flamurtarit, por ndeshja ka rezultuar më e vështirë për miqtë se sa pritej. Flamurtari ka treguar një lojë mjaft të mirë dhe madje deri në fund të periodës së tretë ka kryesuar me një pikë.
Por pa mundur të marrë një rezultat pozitiv, teksa Kamza Basket ka zhvilluar në pjesën e tretë dhe atë të katërt një lojë shumë të mirë duke dalë fituese nga Pallati i Sportit në Vlorë.
Por nuk mungon edhe ngjarja e rëndë, atje ku trajner i Kamzës, Adem Muhametaj, në një faull të akorduar në favor të Flamurtarit futet në fushë dhe e kap madje për gryke gjyqtarin.
Por për çudi nuk ka as ndëshkimin më të vogël në dëm të trajnerit, apo edhe të akordohet gabim teknik për Kamza Basket. Madje loja vijon normalisht, ndërsa gjyqtarët duken më pas të trembur.
Një gjest që nuk ka nevojë për koment, atje ku trajneri i Kamzës tregohet më i fortë se rregullat duke zaptuar parketin në një ndeshje kampionati.
Flamurtari – Kamza Basket 75-87
(24-23, 26-13, 12-25, 13-26)
Flamurtari: Kaso, Mino, Kollovi, Sotiri, Toska / Gani, Beko, Mino, Nuredini, Dede. Trajner: V. Birçe
Kamza Basket: Hamati, Muhametaj, Strazimiri, Shestani, Fjolla / Karaj, Balliu, Gjoka, Oruçi, Roshi, Birçe, Hasani. Trajner: A. Muhametaj
Gjyqtarë: H. Trajer (Shkodër), O. Kasmi, E. Allaraj (Tiranë)
Kampionati Kombëtar
i Basketbollit – Meshkuj
Superliga
Java e 9-të
(4-5 dhjetor 2015)
Partizani – Teuta 69-82
Flamurtari – Kamza Basket 75-87
Vllaznia – Tirana 78-67
Renditja
Nr. Skuadra N. F. H. Psh-Pp Pikë
- Kamza Basket 9 7 2 687-558 16
- Tirana 9 7 2 710-618 16
- Vllaznia 9 7 2 664-581 16
- Teuta 9 4 5 678-667 13
- Flamurtari 9 2 7 590-724 11
- Partizani 9 0 9 525-606 9
