Kamza Basket ka gjetur fitoren e radhës dje në fushën e saj, ndërsa në Sallën Sportive të Bathores ka mundur Ardhmërinë Basket, 68-57. Mirëpo dhe pse ka ndodhur kështu, trajneri i Kamza Basket, Adem Muhametaj, ka qenë i pakënaqur me gjykimin e treshes Gilbert Hoxha, Andi Bejko dhe Olti Kasmi.

Për protesta të vazhdueshme Muhametaj është ndëshkuar me gabim teknik, ndërsa gjyqtarët kanë kërkuar ndihmën e policisë, edhe pse në fakt në fushën e lojës nuk ka pasur tension. Madje në një moment kanë kërkuar ta braktisin ndeshjen e vetëm pas konsultimit me vëzhguesin Shpëtim Bozdo, ndeshja ka vijuar normalisht.

Kamza Basket ka fituar pjesën e parë 17-16. Më pas, të dytën e ka fituar 26-11 dhe në pushim ka kryesuar me shifrat 43-29. Ardhmëria Basket ka fituar dy pjesët e tjera, përkatësisht 13-16 dhe 12-14, por pa mundur të përmbysë. Sepse në fund fitorja i ka buzëqeshur Kamza Basket, 68-57.

Kamza Basket – Ardhmëria Basket           68-57

(17-16, 26-11, 13-16, 12-14)

Kampionati Kombëtar

i Basketbollit – Meshkuj

Superliga

Java e 5-të

(11-12 nëntor 2016)

Të premten:

Kamza Basket – Ardhmëria Basket          68-57

Vllaznia – Teuta                                           62-59

Të shtunën:

Flamurtari – Tirana                                      ora 13:00

Renditja

Nr.       Skuadra                     N.        F.         H.        Psh-Pp           Pikë

1. Teuta                          5          3          2          378-301         8
2. Tirana                         4          4          0          332-264         8
3. Vllaznia                     5          3          2          365-331         8
4. Kamza Basket          5          3          2          363-353         8
5. Ardhmëria Basket    5          1          4          330-332         6
6. Flamurtari                  4          0          4          168-355         4