Federata Shqiptare e Basketbollit ka zbardhur datat e ndeshjeve finale të Kampionatit Kombëtar të Basketbollit për Meshkuj në luftën për titull “kampion”. Tashmë dihet që çifti do të jetë Vllaznia-Teuta dhe duelet mes tyre, sipas Federatës Shqiptare të Basketbollit, do të nisin të shtunën në Shkodër.

Për të vijuar të mërkurën e ardhshme në Pallatin e Sportit “Ramazan Njala” në Durrës e sërish të shtunën, po në Pallatin e Sportit “Qazim Dervishi” të Shkodrës. Nëse kjo finale nuk përfundon me tre të parat, gjë që shkodranët kanë nisur ta mendojnë dhe ta parashikojnë, atëherë do të ketë një deri në dy ndeshje shtesë.

Këto ndeshje do të jenë më 1 qershor në Durrës dhe më 4 qershor në Shkodër. Tashmë pritet të zbardhen dhe datat e finaleve për titull “kampion” në basketboll për femra, ndërsa Vllaznia për meshkuj dhe Flamurtari për femra janë kampionët në fuqi të basketbollit shqiptar.

Kampionati Kombëtar

i Basketbollit – Meshkuj

Faza e “Play-off”-it

për titullin “kampion”

Finalja:

21 maj 2016:

Vllaznia – Teuta                   ora 19:00

25 maj 2016:

Teuta – Vllaznia                   ora 19:00

28 maj 2016:

Vllaznia – Teuta                   ora 19:00

1 qershor 2016:

(nëse është e nevojshme)

Teuta – Vllaznia                               ora 19:00

4 qershor 2016:

(nëse është e nevojshme)

Vllaznia – Teuta                               ora 19:00